[الشاعر المصرى]

بحبك يا بلدى-وحبك عندى فاق الحدود أنا ابنك ابن أبنك شبل الاسود رضعت من حنانك وشوفت اولادك عبرو الحدود عرفت وقت الحروب ان حبك فى القلوب بيسود وعرفت كمان ان بر الامان عندك موجود ولو فكرت اشد الرحال وده محال ليكى هنعود لانى من نيلك شربت ومن خيرك كبرت وما تعلمت الجحود فيكى واحده من العجائب العالم فيها دايب بموافقه الشهود وللى يقول غير كده يبقى مش كده ويكون نمرود اصل الحكايه تتعمل روايه وتنكتب بالورود أو تتغنى غنوه كلمتها حلوه ومتلحنه على العود دى حكايه شعب لما شاف الصعب غنالوا موعود وفوق الاطلال شال الاحمال وكان لسه مولود وعدا المحال وعلى الجبال رفع علم الصمود قال بلدى عزه ولدى أتخلقت للخلود اصلك طاهره ومن يومك حره وأنا المولود لما شعرت بالجوع طلعت بين الفروع وقطفت العنقود يبقى أذاى يجى اليوم نجوع وأحنا بندعى بخشوع للحى الودود على مر الزمان فيكى ألامن وألامان بلا قيود يحميكى يا بلدى من أعداء المجدى ومجددالجلود بحبك يا بلدى وحبك عندى فاق الحدود