[فرحة]

قبل ماابدأ بكتابة الموضوع احب اعرفكم ان الاكله دى وصورها من مجهودى الخاص يعنى مش منقول ولا من اى حد تانى ..بس فى الاول حابه اشكر حبيبتى ,,زوجة خالى,, اللى بجد بعتبرها ماماالتانيه لان الاكله الحلوه دى هى اللى طبخاها وصورت الخطوات وانـــــــــا يادوب اكلتهااااا هههههه يلا مش اطول عليكم ونبدأ بس الاول هحط صوره للتشويق... المقادير جمبري حسب عدد افراد الاسرة بصل+ ثوم فلفل اخضر 2 حبة جزر 3 حبة طماطم ليمون ملح+ فلفل اسود+ كمون الطريقة نغسل الجمبري كويس جدا ونظفة من كيس الرمل ثم يغسل بالدقيق والليمون ونضعه فى مصفاة وهذا شكله... وبعدين نشوح البصل فى شوية زيت وبعدين نضيف الجزر والفلفل الاخضر ثم الطماطم ثم نضيف البهارات والملح ونتركها تتسبك شوية ثم نضيف الجمبري ونعصر الليمون وحوالي ربع كوب ماء مش نحط كتير عشان الجمبري بيطلع ماؤه ثم نتركه ع النار حتي يتم الاستواء وفي هذة الاثناء نجهز الرز نقطع بصلة كبيرة ونحمرها ف الزيت لغاية مالونها يحمر ويبقي غامق وده شكله ثم نضيف الماء لكل كوب رز مصري كوب ماء وممكن يزيد شوية علي حسب نوع الرز اما لو رز حبة طويلة( بسمتي) نزود الماية شوية المهم بعد ما نضيف الماء نضيف كمان الملح والكمون وشوية كركم وقليل من الفلفل الاسود ولو حابة تحطي مكعب ماجي مفيش مانع ونتركه حتي يغلي ثم نضيف الرز المغسول ونتركه ع نار عالية حتي ينشف من الماء ثم نهدي النار خالص حتي ينضج ودا شكله ثم يقدم مع الجمبري او اي نوع سمك اخر وده شكل الجمبرى اللذييييييييييييييييييذ وايضا الارز ... وبــــــــــــــس يارب يكون الموضوع عجبكم ... لا تنسووووووو التقيم فرحــــــــــــــــــــــــــــة