هو انا ليه مش بقول اسفة
و لا هي بقت ثقافة مجتمع و كمان بين الاحبة
عمر ما هتقلل مني كلمة اعتذار ليك
و لا هتقلل منك .. دي بس كلها تلاكيك
~ ـــــــــــــــــــــــ ~
كل اللي حواليا فجأة بيمشوا
تبص تلاقيهم مرة واحدة اختفوا
هم فين ده سؤال مش هاعرفو
و الجرح فيا بيفضل و الزمن بيغرسه
~ ـــــــــــــــــــــــ ~
ليه يا حبيبي معايا تبقي اناني
و انت عارف ان جوايا مشاعر و احاسيس حارقاني
و لا هو كل مرة انت الصح و انا اللي بقيت شراني
خلاص بقي حرام انا الحيرة بقت خنقاني
~ ـــــــــــــــــــــــ ~
اهلي و اصحابي و حبايبي و كل اخوتي
بحبكو بجد انتو احلي حاجة ف حياتي
من غيركو دنيتي مش حلوة هابقي كدة مع ذاتي
ربنا يحفظكو دايما ف حياتي و بعد مماتي
~ ـــــــــــــــــــــــ ~
يا دنيا يا قاسية عليا
اهدي بقي و كفاية قسية
من كتر الدموع بقيت باقول اه يا عنيا
حرام اللي زيي محتاج حنية
~ ـــــــــــــــــــــــ ~
يا رب يا ميسر الاحوال
اهديني انت اعلم بالحال
اغفرلي و احميني من الفتن و الزمان
غيرك محدش يحميني يا حنان يا منان
~ ـــــــــــــــــــــــ ~
شكرا لكل اللي اخد من وقته و قرا
و فهم قصدي و عرف كل اللي جري
نورتو الموصوع و ربنا
ياللي انتو بيكو احلو المنتدي
~ ـــــــــــــــــــــــ ~
بقلمي
16/2/2012