[ناجي نعيم]

بينى وبينك

هتموتى عليا وبتحبينى بس بعينك

مانتيش موناليزا

أنا نفسي عزيزه وطفحت الكيل من تلوينك

فيني وفينك !

ايش جاب تكويني لتكوينك

فِكرك يعني هسيب الدنيا بحالها لخاطرك ؟!!

خدي على خاطرك

من امتى راح ازعل على زعلك

طب حتى انا بجبر بخواطرك

لتكوني فاكراني انى بهينك

الحق عليا انى بصارحك

الرك عليكى من الأول

أصلك لازقالي من عامنـ اول

ماتـ يالايا شاطره على مصالحك

يخربيت دي السوده سنينك

عيني فـ عينك

خيبه قويه تكوني زعلتي

يادي النيله عليها سنيني

طب والنبي ده انا كنت بغشك

قصدي بناغشك

ده انتي في قلبي وروحي وعيني

وبينى وبينك

مانتيش ماشيه اما اخد بوسه

يادي الحوسه

بعد ده كله وبتحبيني

ايه يا اخوانا !!

ودوا وشوشكوا الناحيه التانيه

أصل دي حاجه ما بينها وبيني

.

..

.

..

.

ناجى نعيم