ساعات بنهون علي الناس اوي
و هم غاليين عندنا اوي
ساعات بيسيبونا و احنا محتاجينهم اوي
و تدور ف نفسك ليها ماتلاقيلهاش حل
طب انا عملت ايه و ليه بقي ده ملل
الواحد خلاص هيجيله شلل
مش هزار و لا عشان قافية تكمل
بجد انا تعبت و زهقت
و من حاجات كتير في الدنيا دي قرفت
ناس جنبي ف كل وقت
بس اما اجتاجهم يا ميلة البخت
كله يطير كله يجري
يللا نفسي يللا نفسي
اصل اللي فيا مكفيني
و يمكن يبقي السبب اهيف كمان
ال ايه اصل انا عايز انام
و هم شايفينك ف عز جرحك
و لا حد فكر يبقي جنبك
طب ما ياريت حد يغزك
يمكن تموت و تعرف مين بيعزك
و هترتاح يا قلبي من همك
بدال ما كل يوم بتعيشه في الدنيا آلمك
اكيد جنة ربك اريحلك
اه يا ايام يا غدارة
ليه مصرة تعيشينا ف مرارة
طب انا ف حالي بقي و بصراحة
تعبت من كتر المشاكل و الغم
زهقت بقي من شيل الهم
ليه كل يوم اعيشه مبسوط
تقفليه و كأنه عناد
مع ان ربك رحيم رب العباد
اه يا ايام يا غدارة
ليه عليا مستقوية و جبارة
كل موقف بقي خلاص شرارة
بيولد فيا احساس ضعف و مهانة
عمري ما ف عياط يوم فكرت
و لا حتي مهما ايه خسرت
كسرتيني و خليتيني ضعفت
و فكرت في اللي عمري ما فيه فكرت
مهما كتبت هيفضل الجرح اكبر
و مافيش حاجة هتقدر تعبر
نفسي اعرف احساس اللي بيغدر
بيرتاح و لا فاكر علي مين بيقدر
الضعيف .. بس ده ربه مقتدر
و هينتقم من كل من بيه غدر
مهما كتبت باردو لسة الجرح اكبر
وليدة اللحظة
18/2/2012
2:42 a.m