[Sofey]

ده مجرد عنوان وهشوف ايه صلته بالموضوع اللى عايزه اتكلم فيه

طبعا بسمع امهات كتير اوى وصحابات لما بنتها او صحبتها تبقى رايحه مشوار او فرح او عيد ميلاد او اى حاجه

والبنت تبقى لابسه مؤدب كدا مامتها تقولها ايه ده يا موكوسه يابت البسى حاجه

تكون قصيره كدا وضيقه خليكى تتنيلى تتجوزى فى سنتك السوده دى

يا خايبه ده كل اصحابك اللى من ستك بقى معاهم عيال وانتى لا

خليكى قاعدالى انتى بس كدا ده اقل واجب الام بتقوله صح ولا انا غلطانه

ماتتكسفوش انا عارفة الحوارات دى فيه بنات بيلبسوا كدا عشان مافيش حاجه تغرى بيها

فضلها شوية وتقلب راجل بس انا بتكلم عن البنات اللى فعلا مؤدبه من جواها مش عايزه حد



دول بيسمعوا الكلام طبعا فيه منهم اللى بيضايق اوى لما مامتها تقول كدا

وفيه اللى بتستغفر ربنا وتمشى من قدام مامتها

وفيه اللى بتقعد تفكر فى كلام مامتها يا ترى مامتى عندها حق ولا انا اللى ماشيه صح

طيب لو فضلت كدا ماهو انا مش هتجوز بالطريقة دى

انا لما اسمع كلام من ام لبنتها بتقولها كدا ببقى عايزة امسكها من شعرها واشغل مروحة صقف واعلقها منها

عشان لما الام تقول لبنتها كدا البنت تعمل ايه وفيه بنات بيبقى عندهم استعداد للانحراف جامد

مابتصدق كلمه زى دى وتفتحها على الخامس وبعد شهرين تلاقيها متجوزه عرفى وحامل

وافرحى بقى ياست الحبايب يا حبيبه انتى

طيب هو فعلا البنت لما تلبس الحاجات دى هتتجوز بسرعه

انا ماعرفشى رأى الكل بس انا هتكلم عن راى الشباب عامه

لما يحبوا يتجوز لازم نتجوز واحده محترمه

واحده فعلا تخاف على بيتها ولما يسيبوها ويسافروا عارفين انها هتحافظ على بيتها وعلى نفسها

مش هيتجوزواز واحده شافوا كل حاجه وعملت كل حاجه معاهم طب يتجوزها ليه بزمتكم


فيه بنات هتقول بس هنزعل امنا كدا اه زعلوها بس ماتزعلوش ربنا

ايه الاحسن عندك مامتك ولا ربنا اكيد ربنا احسن من الكل

اسمعى كدا الشيخ الشعراوى قال ايه عن الواحد المنقيه اللى مابتبينشى حاجه

بتبقى مرغوبة فعلا من الكل والنقاب بيزيدها عفه وطهارة والله بحس انها ملكه وهى ماشيه فى الشارع

انا نفسى لما بلاقى واحده كدا ببقى مبسوطة ومش عارفة ببقى مبسوطة ليه

لكن اللى بشوفه دلوقتى البنات لابسه فوق الركبه بمتر ياما تقولك انا محترمه وبلبس بناطيل

وتلاقى البنطلون شويه وهينفجر ياعينى نفسى ترحموا البنطلونات والشباب شوية

وممكن واحده تتتهور هيقولولى ما الشباب تحترم نفسها

اوعى تفتكرى يا بنت انتى وهى انكم بتتعاملوا مع ملايكة على الارض
ومش كل اللى هيشوفك لابسه كدا هيودى وشه النحيه التانيه

لا يا بابا فيه شياطين كتير على الارض حافظى على نفسك

عشان مانرجعشى نقول التحرش والحوارات دى

عمرك ماهتبقى ماشيه محترمه ولبسك محترم والحياه والخجل فى وشك

وشاب هيجى يعاكسك او يتحرش بيكى والله حتى لو عمل كدا هتلاقى اللى هيروح عليه ويجيبلك حقك

لكن لما يشوفواكى عامله فى نفسك كدا هيقولوا ماهى اللى عايزه كدا لو مش عايزه كانت احترمت نفسها:198:

وخدى بالك بتجيبى اللعنه لمامتك وباباكى اللى ربوكى ومن غير سبب

تلاقى واحد يشوفك كدا يقولك الله يلعن اللى رباكى وقبل انك تمشى فى الشارع كدا

ياريت الامهات كمان تعرف ان بنتها لما تلبس كدا بتحافظ على نفسها

ومابتغضبش ربنا ونصيبها هيجيلها لحد عندها

وربنا هيكرمها بانسان برده محترم يحافظ عليها ويحطها فى عيونه

مش هسأل انا عايزه رأيكم فى الكلام ده بمنتهى الحرية

وياترى انا صح ولا غلط وفعلا فيه امهات كدا ولا انا بخترع كلام من عندى:198: