الوداع مش هننسي الظلم في يوم
لان احنا ياما شفنا هموم
ظلم رشوه حيره فساد
بقينا ليهم خلاص عباد
بس احنا مافيش زينا
الامل مالينا ومحدش هيقدر يهدنا
ومافيش فرق بين غني وفقير
وصغير وكبير
لاننا كلنا بقينا في ثانيه بنطالب بالحريه
وتعبنا كتييير ونادينا لحد ما صوتنا راح
قاسينا وتعبنا عنينا ياما شافو جراح
ولحد دلوقتي بردو الشعب مش عارف يرتاح
نطلع من حاجه تيجي اكبر منها
وكمان مليون حاجه احنا بغني عنها
من الظالمين بفكر كتير وبستغرب
ليه ما فيش واحد منهم فكر من ربنا يتقرب
وليه ما بيسكتوش ويسيبونا في حالنا
دكمان مش مكفيهم انهم قتلوا عيالنا
لدرجه اننا بقينا نخاف ننزل شارعنا
بس الحمد لله مش هيموت ضميرنا
عارفييين ليه؟؟؟؟؟؟؟؟
بجد السؤال مش صعب ابدا
لاننا اولا مصريين
ودي حاجه مش غريبه علينا
وثانيا اننا تعبنا خلاص اوجاع
ولرحنا في سنين من الضياع
في حكايات سببها ناس مليانين خداع
وفي النهايه مش هقول الوداع
لا يا بلدي الي اللقاء لاني مصريه ومش بخاف من الضياع
|