 منذ /03-02-2012, 04:42 PM
|
#1 |
|  حـلــمـى يعـــنـى حــيـــاتـى (مسابقة مبدع شهر مارس)
مش هاسامح
اللى قال فى حقى .. كلمة جارحة
وهيا مش فيا
مش هاسامح
حتى نفسى .. لو فى مرة
نفسى جت عليا
مش هاسامح حد تانى ..
مش هاكون غلبان
مش هاعيشها فى امانى
وانا مخنوق تعبان
من النهاردة .. الغلط مردود
هيكون قانونى .. لكل فعل ردود
مش هاتهاون يوم فى حق
ولا هاعمل غير المفروض
بالف طريقة حقى لازم هارجعه
مش هاقول العفو تانى واضيعه
وكل حاجة هيا هيا .. هاردها بالظبط
خير بقى ولا شر
واللى ليه تفكيرى جابنى .. اكيد عاجبنى
وانا شايف نفسى حر
هابدا بنفسى بس ..
والصح دايما هاعمله
واللى مقدرتش عليه ..
بكره هاقدر اغيره
مش هاستنى غيرى .. يقولى تعمل ايه
واللى يعطل طريقى .. بجد هادوس عليه
حلمى يعنى حياتى ..
عشانه يضيع عمرى كله
لو فيها حتى موتى ..
حلمى لازم اوصله
a7med 3del
|
|
|
|  |