راحت بقرتنا
_________
ابن الواسطه ماشى يتقمع
اصل يا سيدى الواد مسنود
وكمان جده يبقا العمده
اما ابوه عبد المقصود
راجل سيما ومنصب قيمه
عين ابنه فى المضمون
ولما سألت وقلت اشمعنى
قالوا عليا ده واد مجنون
اصل العالى نجمه يلالى
اما الفقرى مالوش فى الدور
اصل الواسطه يضمن حاله
اما الفقرى فى داهية يغور
اه يا بلدنا قامت ثورتنا
بس عينينا ما شافت نور
اه يا بلدنا ماتت فرحتنا
من صوت باطل وشهاده زور
اه يا بلدنا راحت بقرتنا
وكل حليبها راح فى بطون
تشرب قربه وتلهط زبده
وتسيب حالى دموع فى عيون
قلم حلا على