● اسْتثنَآئيَـۂ « من مبدعى المنتدى
| 
اعرف بردو جـآرتنـآ كانت عندها نفس المشكلهـ ,,
بس في مثل انا مقتنعه بيهـ أوي [ اللي يخاف من العفريت يطلعلهـ ] ,,
انا هكلمك بشكل عام شويه وبعدين ننتقل لـ المشكله نفسها . .
كل حاجه بتحصل في حيـآتنـآ نتيجه معتقدات في دماغنا بيتم انجذابها من العقل الباطن
بالتالي اي حاجه بتفكري فيها بتنجذب ليكي وبتحصل فعلا ,,
هديكي مثال ,, انا مثلا صحيت من النوم النهارده لقيت الميا قاطعه ,, قولت اوووف عاليوم
يوم باين من اولهـ !!
انت بكلمتك دي حطيتي في مخيلتك ان خلاص اليوم بتاعك اتقفل .. بل انتي فعلا حكمتي عليه انه اتقفل
وبالتالي طول اليوم هتلاقييكي بتتخبطي في حاجات بتضيع منك نسيتي مش عارفه ايه
هل كل دا بسبب ان الميـآ اتقطعت !! لأ طبعـآ بسبب انك هيئتي نفسك على حاسه سلبيه
هي اساسا ممكن متكونش حقيقه وعقلك الباطن هو اللي مصورلكـ دا
المشكله بردو ان الانسان بطبيعته بيفكر ف الحاجات اللي مش عاوزهـآ ,, وبعدين يقول
انا ليه بيحصلي كدا ؟!
كونكـ بتفكري ان بيحصلك حاجه وحشه .. او هتحصل ايـآ كان >> انتي بكدا هتخليها تحصل فعلا
بمعنى ان عقلك الباطن بيجذب الفكرهـ الغالبه في عقلك ,,
عشان كدا تلاقي ان اللي بيتمارض وهو معندوش حاجه .. بيمرض فعلا ودا ذكر ف القرآن
انتي اللي تقدري تجذبي الحاجات اللي حواليكي عن طريق عقلك الباطن ,,
دي الفكرهـ عامة ,, نيجي بئه للمشكله نفسهـآ ,,
مسيطر عليكي فكرهـ انك منحوسه بل كل اللي حواليكي فعلا بيوصلولك المعنى دا
اذن ,, عقلك الباطن كله بيفكر ف النحس وانك فعلا في حاجه معمولالك عمل او اي شئ
بالتالي انتي فعلا بتجذبي الفكرهـ دي وبيتحقق اللي ف عقلك وهتبقى منحوسه
انا مش عاوزاكي تستغربي من الفكرهـ او تفكري ان دا جنان ,, بس فكري فيها بشكل عميق شويه
وانا مش بقولك تراقبي افكـآرك وتبقا محددهـ اهـ انا هعمل كذا ولا بلاش كذا
لأ دا اللي اسمه جنون فعلا .. في افكار كتير بتروح لمواضيع واتجاهات كتير ..
منهم الاتجاهـ العاطفي ,, احساسك بيقول انك خلاص مفيش امل وانك فعلا منحوسه
بس في كلا الاحوال وكلا الاتجـآهـآت ,, كل اللي بنفكر فيه مش هو اللي احنا عايزينه
انتي بتفكري هو انا منحوسه ولا لأ ,, وقبل ما الحاجه اللي جواكي تقول لأ
في فكر فيكي بيقول اهـ دا مات وهما بيقولوا في عمل وكذا وكذا
انتي موتي الرغبه اللي جواكي اللي بتقول انـآ سليمه ودا نصيب ومفيش حاجه من اللي بيقولوا عليها دي صحيحه
وبالتالي انتي فعلا فكرتي ف حاجه انتي مش عايزاها تحصل ,,
بمعنى ان لو في شخص نحس من اي حاجه >> مثلا بيقولوا عليه فقر عشان بيحصل حاجات وحشه لما بيجي
وهو اقتنع فعلا انه فقر وانه بينحس كل اللي حواليه ..
تعالي اديله مثلا حته حديدهـ من الارض وقوليله انت طول ما انت ماسك الحديدهـ دي مش هتبقا فقر
انتي كدا دخلتي ف عقله نظريه وحاجه هو مقتنع بيها لانك انتي ادتيله معادله الحديدهـ = فك النحس
اوعدك انه طول ما هو معاه الحديدهـ هتبقا الحياهـ فله ومش هيبقا نحس او فقر خالص ,,
لانه عقله الباطن فكر ف حاجه ايجابيه وهي انه مش هيحصله حاجه طول ما هو معاه الحديدهـ
عارفه بقا مجرد ما تضيع !! هو خلاص آمن انه رجع نحس تاني عشان الحديدهـ ضاعت
وعقله الباطن فكر ف حاجه سلبيه وبالفعل النحس هيرجع تاني ,,
هقربلك الفكره شويه تبع مشكلتك ,,
في ناس فعلا بتصدق وتروح لناس عشان تفك الاعمال والحاجات دي
الست هتقولها استحمي بميا معرفش ايه وخلى دا معاكي وعلقي قفل ف الباب
البنت هتصدق وركزت في عقلها الباطن انها لو عملت كدا خلاص هيتفك العمل والعريس يجي !!
يبقا هي دلوقتي فكرت في حاجه ايجابيه ,, يبقا الفكرهـ هنتجذب وهتتحقق !!
_________________________
ملخص بقا الكلام دا كله ,,
دي مش مجرد نصيحه بقولهالك ,, دي فكرهـ عاوزاكي تقتنعي بيهـآ ,,
خلي عندكـ ايمان بربنـآ وبحاجه اسمها قدر ونصيب ,,
الغي فكرهـ النحس دا من دماغكـ ,, اعتبري نفسك انك انتي اللي كنت بترفضي مثلا
حاولي تتلاشي اي فكرهـ نحس من عقلك ومتسمعيش للي حواليكي ..
اهم حاجه عقلك الباطن يكو ن ايجابي والفكرهـ المسيطرهـ عليه ايجابيه
عشان لما تنعكس ,,تنجذب ايجابيه بردو ,,
بجد حاولت على قد ما اقدر اوصلك الفكرهـ بتاعتي
وعلفكرهـ جارتي اللي قولتلك عليها انا قولتلها نفس الكلام دا
والله العظيم هو شهر واتجوزت ,, الحكايه كلها ف افكار انتي بتؤمني بيها
وتسلمي امركـ لله سبحانه وتعالي ,,
وربنا يوفقك ويكتبلك الخير ف كل طريق ان شاء الله ,,
|