بسم الله الرحمن الرحيم
[IMG]http://upload.***************************/files7/12994129071.gif[/IMG]
اهلا ومرحبا بكم
وحلقة جديدة من برنامجكم
اجمد عضو
النهاردة هتكون معانا ضيفة مميزة جدا
ليها اسلوبها الخاص فى المنتدى
تم تعينها مؤخرا كـــ ( نائبة للادارى المنتخب )
فضلت التواجد معانا عشان توضحلنا اية هى اختصاصتها
واية الواجبات الــ بتقوم بيها فى هذا المنصب الجديد بالمنتدى
معانا النهاردة
دمعه حائره
اهلا بيكى
زى ما كلنا عارفين فى بداية كل حلقة
بنشوف مع بعض
عناوين من اللقاء
[IMG]http://upload.***************************/files7/12994129071.gif[/IMG]
دمعه حائره : اخبارى كويسة لحد دلوقتى مع اللقب مع ان كان فى رهبة فى البداية لكن الموضوع طلع عادى
ساحر بعتلى رسالة عشان اكون نأئبة لية وافتكرتة بيهزر لكن طلع بيتكلم بجد فوافقت
مهمة نائب الادارى مساعدة الادارى فى طرح أى فكرة لكن مفيش اى تعامل مباشر مع الادارة
المنصب مش هيأثر عليا كمشرفة لان من البداية انا اصلا كنت بعمل الحاجات دى والحاجات الزيادة بسيطة
كل البرامج الانتخابية الـ طرحها المرشحين كان فية حاجا بتميزها وساحر انا اقتنعت ببرنامجة الانتخابى
الافكار الــ نزلت لحد دلوقتى كانت بالتشاور بينى وبين ساحر وفى حاجات واخدين موافقة من الادارة بخصوصها
قسم الحياة البرية شوفناة فى منتديات كتير وفى ناس كتيرمهتمة بية والقسم مش هيكون ضعيف
فى خطة لانشطة كتير ها تتنفذ كل فترة وبنرحب بأى اقتراح من كل الاعضاء ودى كلمتى لكل الاعضاء
اجمد عضو برنامج ناجح ومميز لية طابع خاص لا يشبة برنامج اخر
[IMG]http://upload.***************************/files7/12994129071.gif[/IMG]
ودلوقتى تعالو نشوف
الحوار كامل .
س / اهلا بيكى فى اجمد عضو ؟
اهلا بيك موروشو البرنامج منور بيك وبكل الاعضاء فى المنتدى
س / مبروك عليكى لقب ( نائب الادارى المنتخب ) ؟
الله يبارك فيك اشكرك
س / اية اخبارك مع اللقب الجديد ؟
اهو تمام الاخبار كويسه لحد دلوقتى
كان فيه رهبه فى الاول شويه لكن لقيته عادى
س / قوليلنا الاول ازاى كلمك ساحر بخصوص الموضوع دا ؟
بعتلى رساله عرض عليا انى اكون نائب
بصراحه افتكرته بيهزر لكن لقيته جد وبعدهاوافقت
على طول
س / مش هطلب منك تقولى انتى صوتى لمين فى الانتخابات بس بصراحة كنتى مقتنعه بالبرنامج الانتخابى لساحر ؟
شوف موروشوكل البرامج الانتخابيه اللى طرحها المرشحين
كانت جميله وكل برنامج فيه حاجه بتميزة
حسب امكانيات كل واحد فيهم
ومن ضمن البرامج اكيد برنامج ساحر عجبنى واقتنعت بيه
وهوا كمان هايضيف عليه حاجات جديده ان شاء الله
س / عرفى الاعضاء اية هى واجبات ( نائبة الادارى المنتخب ) ؟
نائب الادارى مهمته الاولى مساعده الادارى فى اى افكار
او نشاط لكن مايتعاملش مع الاداره
كل التعامل عن طريق الادارى المنتخب
وكمان يرد ويتابع اغلب مواضيع الاعضاء
فى كل الاقسام ولو فيه اى استفسار من الاعضاء
يرد عليهم ويساعدهم
[IMG]http://upload.***************************/files7/12994129071.gif[/IMG]
س / يعنى انتى مفيش اى تعامل بينك وبين الادارة ؟
لااكيد فى تعامل بس كونى مشرفه للابداعات
او عضو فى المنتدى عادى
س / بس بخصوص اية ميبقاش فى تعامل معاهم ؟
انا اول ما بقيت نائب لساحر
سألت وعرفت ايه هيا مهمتى عشان ماازعج حد
وعرفت ان اى افكار خاصه بالادارى المنتخب
مااعرضها انا هوا بس يعرضهابعد مانتفق مع بعض عليها
ممكن دى مسأله تنظيميه مش اكتر عشان
يكون الطلب محدد
وموجه لعضو واحد من الاداره
س / بس اعتقد ان الوصول للادارة سهل سواء كان من عضو عادى او أدارى منتخب طالما حاجا خاصة بالمنتدى وهتفيدة ؟
ايوة طبعا الوصول للاداره سهل سواء عن طريق
صوت الاعضاء او الشكاوى او حتى الرسايل الخاصه
انا وضحت ان مافيه تعامل بس فى نقطه الادارى المنتخب
س / لحد دلوقتى اية الــ نزلتوة وكان عن طريقكم انتو الاتنين ؟
كل الافكار اللى نزلها ساحر كنا متفقين عليها سوا
وهوا اللى نزل التوبيك
س / لحد دلوقتى عملتى اية فى المنتدى كنائبة للادارى المنتخب ؟
انا بساعد ساحر فى التخطيط لاى نشاط جديد
او افكار نزلت ولسه هاتنزل ان شاء الله
غير انى متابعه المواضيع فى اغلب الاقسام
س / شايفة ان الموضوع دا هيأثر عليكى كمشرفة ؟
لاما اعتقدتش هايأثر لان المهام المطلوبه منى
انا اصلا كنت بقوم بيها والحاجات الزياده بسيطه
غير مكلفه من وقتى حاجه
لانى طول وقت تواجدى فى المنتدى بشوف قسم الابداعات
بجانب الانشطه الاخرى
[IMG]http://upload.***************************/files7/12994129071.gif[/IMG]
س / لما وافقتى على وجودك مع ساحر كان اقتناعك بناء على اية ؟
كان اقتناعى فى الاساس بناء على شخص ساحر نفسه
لانه انسان معروف عنه التعاون والاحترام الشديد
بين كل اعضاء المنتدى
وتانى حاجه حبيت اساعده فى مهمته لصالح المنتدى
فى الاول والاخير
س / شايفة ان وجودك مع ساحر كنائبة لية هيفيدك فى المنتدى الفترة الحالية ؟
انا مش شايفه فايده شخصيه ليا قد ماهيا فايده ومصلحه عامه
يعنى ممكن ننفذ افكار واقتراحات للمنتدى
والاعضاء ونوصلها للاداره بسهوله
غير لو كنت مش النائب هاتكون صعبه شويه
س / تقريبا لحد دلوقتى مشفناش ليكم حاجا مشتركة ؟ فى حاجا بتجهزوها والا لسة الموضوع متكلمتوش فية ؟
الافكار اللى نزلت كانت مشتركه وبالتشاور بينى وبين ساحر
واى نشاط هايقوم بيه واحد فينامن بدايه فتره الادارى المنتخب
هايكون ناتج من اتفاق مسبق بينا
مش فارقه مين نزله بأسمه
ده للتنظيم والسرعه مش اكتر
وفى حاجات واخدين موافقه عليها من الاداره
هاتنزل الايام الجايه
ان شاء الله
س / كان موجود قبل كدا ( ماتركس و سنايبر ) ودلوقتى ( ساحر )
وتقريبا هما التلاتة ماشيين بنفس الطريقة تكريمات وانشاء اقسام جديدة ؟
ممكن ده سببه تحديد مهمة الادارى المنتخب
زى بالظبط مشرف قسم معين بتكون
ليه مهمه خاصه بقسمه مابيتعداها
س / من وجهة نظرك هو دا الــ المفروض يشتغلو علية ؟
هوا ده جزء لازم يشتغلوا عليه
لان الادارى المنتخب يعتبر صوت للاعضاء
عند الادارة ومهمته يهتم بيهم ويحفزهم
سواء بتكريم او ردود او حتى استضافات
ويشوف ايه اقتراحاتهم وايه اللى ناقصهم
كل الحاجات دى بتخلى العضو يحث بالاهتمام
وخصوصا لماتيجى من حد ادارى
اللون الاحمر بيفرق كتيرنفسيا مع الاعضاء
وهوا ده الهدف من فكره الادارى المنتخب فى الاساس
[IMG]http://upload.***************************/files7/12994129071.gif[/IMG]
س / اية الفائدة من انشاء قسم ( الحياة البرية ) ؟
القسم ده احنا شوفناه فى منتديات كتير
وليه ناس كتير مهتميه بيه انا منهم
وبتقدر من خلاله تتعرف على معلومات كتير
سواء عن الظواهر الطبيعيه او عالم الحيوان ككل
فبدل ماتحط المواضيع فى اقسام مختلفه غير مناسبه
ليه مايبقاش ليها قسم خاص
يسهل للجميع التفاعل والحصول على المعلومه
والاقتراح انه يكون تابع لاقسام المعرفه والمعلومات
س / انا بعتقد لو اتعمل القسم هيبقى الاقبال علية ضعيف جدا ؟ والا انتو ليكم تخطيط تانى لادارة القسم ؟
لا بالعكس ان شاء الله مش هايكون ضعيف ولا حاجه
اثناء مرورى على الاقسام بشوف مواضيع كتير
خاصه بالطيور او الحيوانات والاسماك
او حتى لظواهر وتضاريس فى الطبيعه
ممكن تتحط فى القسم ده وكتير اعضاء مهتمين
بالنوع ده من المواضيع وبينزلوا مواضيع وبيردوا عليها
لكن عشان متفرقه على الاقسام مش واضحه
عندك مثلا قسم عالم الطفل مكناش متوقعين ان حد يهتم بيه
لكن وجود مشرف نشيط حابب القسم
بيشجع على نجاحه
س / عاملين حسابكم فى اطراح افكاركم على مدار 3 شهور والا هيبقى الموضوع حماس فى اول شهر والا شهر ونص وبعد كدا هيبقى فى خمول فى افكاركم ؟
لا ان شاء الله فى خطه لأنشطه كتير هاننفذ كل فتره حاجه منها
وبنرحب بأى اقتراحات من كل الاعضاء وهانساعدهم فيها
س / تحبى تقولى اية لاعضاء المنتدى فى نهاية الحوار ؟
احب اقولهم حبوا المنتدى واستمروا فى العطاء
بدون انتظار مقابل
واهم من كل ده حافظوا على الاحترام بينكم
وتكون العلاقات كلها اخوةوخوف على الصالح العام
واى عضو او عضوة عنده مشكله او اى استفسار
مايتردد ابدا فى عرضها على ساحر او عليا
وان شاء الله نفيدة فيها
[IMG]http://upload.***************************/files7/12994129071.gif[/IMG]
س / السؤال المعتاد اية رائيك فى اجمد عضو ؟
برنامج ناجح ومميز ليه طابع خاص بيه لايشبه برنامج آخر
واغلب الاعضاء بتحبه وبتنتظر حلقاته دايما
س / فى النهاية احب اشكرك على قبول الدعوة والتواجد معايا ؟
انا اللى بشكرك على الاستضافه الجميله
وبتمنالك التوفيق دايما
وبكدا تنتهى حلقتنا النهاردة اتمنى ان تنال اعجابكم
انتظرونى وحلقة جديدة من
[IMG]http://upload.***************************/files7/12994129071.gif[/IMG]