[أجمل سعوديه]

حلى الفرآوله


الطريقه والمقادير سوا :

اول شي نجيب قوالب الكب كيك ونغطيهن بالنآيلون ونخليه على جنب
بعدين نسوي كيك او تشرينه جآهز اللي يريحك
نجيبه ونفتته ونحط عليه قشطه ( القشطه على حسب مقدار الكيك يمكن علبه كآمله او نص او ثلاث ارباع ) نحط القشطه ع الكيك ونعجن ليت تصير متماسكه شوي
نآخذ العجينه ونغلف قوالب الكيك فيه من تحت ومع الجوانب
بعدين نحط في كل حبه ملعقه كبيره بس مو مليانه من الباي فلنق فرآوله ( تبع التشيز كيك ) عن نفسي احب شركة فرشلي وانتم بكيفكم:004:
نجيب بسكوت ماري شوب دوائر وناخذ كل حبه ونحطه فوق الباي فلنق ونسكره بالعجين اللي بالأطراف او انتي حطي مو مهم يتسكر كله بس اهم شي الحواف لان بالأخير بيقلب :biggrin:
ونخليه بالثلاجة لين يتمآسك
نسوي الصوص : ( نوتيلا + قشطه + شوي زبده عشان يعطي لمعه )
طبعا الخليط لازم يصير سايل شوي حطي النوتيلا والزبده .. والقشطه على حسب المقدار يعني كل شوي اضيفي لين مايصير الصوص سايل معك
طلعي القوالب واقلبيهن وحطيهن بصحن التقديم جيبي الصوص وحطي على كل حبه لين يتغطى
ونصير قبل مجهزين فرواوله وحطي فوق كل وحده طبعا تبينه كامله انصاص ارباع اللي تبين
وبالثلاجه
وهذي طريقة تزين ثآنيه ( لاتركزون ع الشكل صار له حآدث قبل التزيين طاح على بعضه )



طبعا بالصوره الأولى اللي فوق الصوص مو سآيل مره لاني اول مره اسويه ولا كنت ادري ان كل ماكثرنا قشطه صار سايل اكثر
سهل مره لايغركم كثرة هرجي وطعمه مرره جميل :004:

____________

سينـــــــــــآبون


4 ونص كاس دقيق
عبلة زبادي
نص كاس زيت
كاس وثلث ماء
ملعقة ونص خميره
ملعقه صغيره باكنج بودر
3 ملاعق حليب بودره
شوي ملح وسكر
الطريقه :
تعجن العجينه السابقه وتترك لمدة نص ساعه
بعدين طريقة السينابون المعتاده نفرد العجينه وندهن بزبده ونرش عليه ( قرفه + سكر + شوي شوكلاته بودره ) ثم نلف العجينه رول ونقطعه وبالصينيه وعلى الفرن لين تتحمر
التزين :
نستله + هرشي + توفي وحلاو بقر
اي حلاو بقر ناخذه ونفتته او نطحنه بس مو مره
ونحطه على السينابون وبعدين وسائل التزيين السآبقه

____________

اقرآص الاوريو


كوب حليب بودره
شعيريه باكستانيه كامله مطحونه جدا جدا جدا
^ يحمسن بملعة زبده لين يتشقّرون > نسيت احط الزبده بس مشى الوضع معي
ترفع عن النار وتعجن بعلبة نستله
نجيب اوريو ونغمسه بحليب تغميس سريع , ناخذ من العجينه السابقه ونحط الاوريو بالوسط
ونكور العجينه عليه < يارب اني اعرف اشرح
ونكمل الباقي .. ثم نقلّبهن بجوز الهند وعلى الثلاجه لين يجمد
وعند التقديم يقطع انصاص :004:


دقآيق :004: