| ربعيات صلاح جاهين
 السلام عليكم
انا قرات جزء من ربعيات صلاح جاهين وقلت اجيبها عشان تشوفوا الروعه
ياسك وصبرك بين ايديك انت حر
تياس ما تياس الحياة راح تمر
انا دقت من دة ومن دة عجبى لاقيت
الصبر مر وبرضك الياس مر
.................................................. ....................
يلى انت بيتك مفروش بريش
تقوى عليه الريح يصبح مافيش
عجبى عليك حواليك مخالب كبار
وملكش غير منقار وقادر تعيش
.................................................. ............
ولدى نصحتك لما صوتى اتنبح
ما تخفش من جنى ولا من شبح
وان هب فيك عفريت قتيل اساله
ما دافعش ليه عن نفسه يوم ما اندبح
.................................................. ........
سمعت نقطه ميه جوة محيط
بتقول لنقطه ما تنزليش فى الغويط
اخاف عليكى من الغرق.. قلت انا
دة اللى يخاف من الوعد يبقى عبيط
.................................................. ......
يلى عرضت الحب يوم وانطوى
حسك تقول مشتاق لنبع الهوى
حسك تقول مشتاق لنبع الغرام
دة الحب مين داق قطرة منه ارتوى
.................................................. ............
الدنيا اوضه كبيرة للانتظار
فيها ابن ادم زيه زى الحمار
الهم واحد والملل مشترك
ومافيش حمار بيحاول الانتحار
.................................................. ......
دى مذكراتى وكتبتها من سنين
فى نوته زرقه لون بحور الحنين
عترت فيها ورمتها فى المهملات
وقلت اما صحيح كلام مخبولين
|