[أجمل سعوديه]

❤

*حديثك مع الجنس الاخر يأثر على علاقتك به *



غالباً لما نتحدث مع الرجل نطلع بنتيجه غير مرضيه للطرف الاخر والسبب تعامله
مع الطرف الاخر حديثك مع زوجك/اخوك/ابوك مع اين كان ..
خصوصا مع الجنس الاخر ضروري انك تدققين في كل كلمه
تخرج من فمك لان الرجال نفسه راح يفسرها على كيفه .
حاولي دايما ماتدققين في الامور الكبيره ولا الصغيره خليك معتدله جداً
عامليه زي مايعاملك واحسن حتى لو معاملته معك سيئه ×
لاتاخذين منه هالصفه السيئه حاولي تكونين احسن منه مهما حصل
خلي ايمانك بالله قوي وتفائلي بالخير. في بعض النساء الله يستر عليهم
تشوفينها فائقة الجمال وفائقة الجاذبيه وفائقه النعومه ولا فيها ذرة اخلاق
سواء مع زوجها او والدها او الاخ الاكبر منها . وفي الاخير تفشل العلاقه
يا ان الاب يفرض رايه دايما عليها + مايعطيها الي تبيه او ان الاخ ما يلبي الي تبيه
منه وزوج نفس الشي بعد الزوج ممكن انه يدور له على اخرى تحاول تتحدث معه
بأسلوب احسن منها وكل هاذا بسبب كلمات بسيطه تخرج من الافواهه
قبل عدة سنوات في وحده كانت تقول اذا اخوي ولا زوجي جا وصرخ في وجهي وهاوشني
وتلفظ بي باللفاظ غير لائقه اقوله من عيوني ولا ياقلبي ولا ياروحي من الكلمات الغزليه
تحلف ان وجهه يتقلب من الخجل ويتندم على الساعه الي تعامل معها بهالاسلوب السيئ
دائما تذكري . ان الرجال مايحب الا شي واحد الا وهي الكلمـــــــــــه الحلـــــوووه
مهما يقسى معك مهما يعاتبك مهما يجرحك مهما ومهما ومهما كوني صبوره
خلي اسلوبك عسل يحطك بعيونه الثنتين ويسكر عليك
لاترفضين له طلب مهما كان .. لاتقولين له ماعرف اسوي هالشي
قولي اعرف قولي من عيوني ابسوي لك الي تبيه .. حتى لو ماتعرفين
اذكر في وحده من الاخوات قالها زوجها اطبخي لي هالطبخه الفلانيه اختنا في الله ماتعرف
تطبخها قالت له ماعرف اطبخها الرجال على طول فكرها ماتعرف تطبخ نهائياً
وهي فنانه بالطبخ بس ماتجيد هالطبخه بالذات ! عشان كذا يا بنات لاتقولين له
ماعرف اسوي هالشي ماعرف اكوي ماعرف اغسل ماعرف اطبخ ماعرف انظف ماعرف ارتب
خصوصا الي في بداية زواجها . الرجال يفكر انه ماخذ وحده جـــاهله دائما تذكري
ان تفكير الرجال للمرأه يختلف تماماً عن تفكير المرأه للمرأه . ايضاً الرجال يموت يعشق
الانثى السنعه ربة البيت . الي تهتم فيه وتحبه وتخاف عليه
اهتمي حتى في اشيائه البسيطه والتافهه يبادلك هالشي والله والله
في حكمه اعجبتني اخذتها من وحده من صديقاتي كانت تقول من خبرتها الزوجيه
- الرجل يأخذ من طبع المرأه , والمرأه تاخذ من طبع الرجل
شلووون .. الرجال يعامل المراه زي ماتعامله .. تهتم فيه ؟ تحبه ؟ تواصله ؟ ترضيه ؟
اسلوبها عسل ؟ كلامها مافيه تجريح ؟ ماترفض له طلب ؟ يسوي زيها بضبط
والمرأه نفس الشي لشافت رجال يهتم فيها ويحبها ويتواصل معها ويراضيها
وينفذ لها كل ماتبيه تسوي له زي مايسوي لها
اما اذا جيتي ورفعتي صوتك عليه × طولتي لسانك × اخلاقك دمااااااااااار × نفسك بخشمك ×
لاتقولين ليه مايكلمني .. لاتقولين ليه مايحبني .. لاتقولين ليه يجرحني
ولاتقولين معليش فيني الدوره اخلاقي زفت اسلوبي لازم كذا معه معليش بس ماتوصل بأسلوب
التجريح .. قرأت في مجله سيدتي . ان امراه تطلقت اثناء مافيها الدوره الشهريه بسبب
اسلوبها المجرح والقاسي مع زوجها . حتى لو كنتي معصبه حاولي تهدين عمرك
مايسوى عليك كم كلمه تقولينها ماهيب زينه توديك في ستين داهيه يابت
اسلوبك دائماً ,, مُرضي ثم مُرضي ثم مُرضي ثم مُرضي بـ الضمه وليس بالفتحه !
< كسرات الحروف تغير من معنى الكلمه بذاتها ,, كلمات منك تغرسي السعاده في قلب رجل
تذكري دائماً ,, اذا عصبتي اشربي كاسة مويه بااااااااااارده .. لان العصبيه من الشيطان والشيطان
من النار والنار تطفئها الماء
كوني دائماً ,, صريحه ,, صادقه ,, قنوعه ,, متلذذه بكلمات زوجك والدك اخاك ..
ابتعدي عن الكذب / عن المجاملات / عن الاسلوب المزيف لأنه لما يكشف عن الحقيقه والواقع
سيظن بأنك كاذبه طوال الوقت الذي امضاه معك
لاتفرضين رأيك دايما عليه وتغصرين من شأنه وتقللين من ذوقه بيشعر وقتها بالاهانه
بالضعف بالأشمئزاز .. لو اخذ رايك بحاجه معينه حتى لو ماتعجبك جامليه ولكن بطريقه
غير مبالغه فيه .. يعني جميل ,, حلوو .. انت بتحليه
لاتخلين مجاملتك دائما مبالغه فيها وفي هالوقت كثُرو الي يجاملون
لاتتحدثين معه ونفسيك مو كويسه اصبري اهدئي روقي بعدين قولي له كل الي بخاطرك
خلي اسلوبك ناعم كلماتك سلسه مفهومه واضحه صريحه صادقه تدخل القلب
استغرب من الي تقول الرجال مايمهمه الا جمال الانثى فقط او جسد الانثى
لاوالله الاخلاق اولا وثانياً وثالثاً واخراً ثم الجمال والجسد ..
لاتهتمين في جمال وجهك وجسدك وتهملين جمال لسانك ,,
لاتمدحين لرجال رجال اخر لان وقتها راح يمدحك لك انثى غيرك ,,
لاتذكرين له بأشياء حزنته من قبل او ضايقته ذكريه بأشياء تسعده ,,
لاتهمليه عامليه كـ معاملتك للطفل دلليه ثم دلليله ثم دلليه ,,
لاتجعلين غيرتك توصل لمرحله الزعل بينكم خليك واثقه من نفسك ,,
لاتجرحينه بكلماتك شغلي مخك قبل لاتشغلين فمك ,,
لاتصغرين من شأن اهله مهماً كان جامليه وخليهم الاحسن والافضل في عيونك ,,

وتذكري دائما الرجل
كـ الطفل يزعل لأصغر الكلام ويزعل لأكبر الكلام ..
دلعيه ,, ودلليله بأسلوبك الرائع كالطفل المدلل


لي عوده