[أجمل سعوديه]

❤

*تجنبي الصوت المرتفع والصُراخ اثناء حديثك مع الاخرين*



الصراخ وما ادراك ما الصراخ .. معنى للصوت العالِ المزعج الذي يشمئز منه الكثيرون !
اقصد بالصراخ .. هو الحديث بشكل طبيعي ولكن ايطالة الصوت من غير لانشعر
في ناس حفظهم الله اذا جاو يتكلمون يصارخون واحيانا تطلع سعابيل واشياء ينزعج منها
الطرف الثاني . طيب ترا والله نسمع احنا مو بالمريخ هاذا انا قبالك مو طايره
في ناس ماتعرف تتكلم الا بصراخ .. لدرجه يصير حديثها مُمل جداً ومزعج بنفس الوقت ..
قد لايشعرون بذالك ,, ولكن يجب التنبيه لهم حتى لايزعجون الناس الثانيه وبشكل ذوق
يعني مثلا مره شفتي وحده من قريباتك تسولف معك واسلوبها الله يهديها الجيران يسمعون
وانتي ماودك في هالشي مو تجلسين تصارخين معها قصري صوتك يابنت الحلال ازعجتينا
لالالالالالا .. تقدرين تروحين تقولين لها سواليفك تجنن بس لايسمعنا احد
او بأسلوبك انتِ بس بشكل ذوق .. جدا هالنوع نشوفه عند الاغلبيه من الناس وننزعج كثير
كثير كثير كثير .. انا اروح لمدرسه مصريه لجات تشرح الله يهديها احسها تشرح للجيران
من صراخها "مشاء الله " وبنفس الوقت استحي اقول لها قصري صوتك
الصوت الناعم الهادئ .. هو الي يجذب العقول ويلفت الانتباه
ويرخي البدن ,, ويجعل لشخصيتك فكره جميله جداً .. حاولي اثناء حديثك وتذكري بأخفاض صوتك
لاتظنين عند الصراخ الكل سـ يخاف منك وبيفتكرون انك هيبه وتخوفين لاوالله
بنظرهم راح تصير شخصيتك جدا سيئه خصوصا مع الرجل
لأن الرجال غالباً يتحدثون بـ صراخ مايحسون بعمرهم الله يهديهم ولسمعو بنت
صوتها ناعم وهادئ .. ذابو عشان كذا حاولي تكلمين زوجك ولا والدك بصوت
هادئ جدا منخفض .. حتى مع الي اكبر منك سناً
في ناس اعرفهم استغفر الله يرفعون اصواتهم حتى على امهاتهم على اساس
الام بتخاف الام ضعيفه ..واااه ياحسره عليهم
بالعكس انتِ كذا غضبتي ربك ثم امك ثم قلبك الميت ..
لاتفتكرين بأن رفع صوتك على الي اكبر منك شئ تفاخري .. شئ يرضى عليك المجتمع
ويرضى ربك عليك لا بالعكس .. انتِ كذا تخلين حياتك تعيسه جدا !
سواء مع امك او اختك او اخوك او ابوك او اي شخص اكبر منك ..
فـ باخلاقك انتِ تصورين للناس تربية اهلك تصورين لهم طابع عيشتك وتربيتك
ولكي ينشأ الحب .. لابد من تبادل الاحترام مع الاخرين
وتذكري دائماً ,, احترام الكبير والعطف على الصغير
اعرف ناس حتى على خدامتهم الضعيفه يصارخون عليها
ليش طيب المراه مسكينه تاركه اغلى ماتملك تاركه اهلها تاركه عيالها
تاركه كل شي غالي عليها وجايه تخدمك ترفعين صوتك عليها ليه ؟؟ مو بشر هي ؟؟
حتى الشخص الضعيف يستحق الاحترام اذا كان محترماً
اذا احترمي غيرك الناس تحترمك تقدرك تحبك
اما اذا عاملتي الناس بأسلوب سيئ وغير مرغوب فيه بتواجهين صعوبات في حياتك
والله يمهل ولايهمل
لا تعتقدين بأن صوتك المرتفع هو الذي تفتخرين به عند الناس
لا ترفعين صوتك على الضعيف / الصغير / الكبير / كبير السن
لا تبدين رأيك وتحطمين اراء الاخرين اثناء تفاعلك وصوتك العالِ


وتذكري ..
بأنك انثى جميله بصوتك الهادئ مهماً كبرتي ومهما كنتِ صغيرا .

لي عوده