مجلس عسكر ايه المجلس ؟؟؟؟؟؟؟؟؟ مجلس عسكر
مجلس عسكر مش متعسكر
ايه المجلس ؟ مجلس عسكر
مجلس عسكر مش بيفكر
ليه بيفكر يمشى شمال . يمشى لحد الحال مهو مال
مال بيكسر فى المتكسر . امتى هايعدل مش هايكسر
مجلس حاكم بالجبروت جبروت جاهل للى يفوت
واللى يفوت ويعدى يموت تحت عساكر مش بتفكر
ايه المجلس ؟ مجلس عسكرى
قال فيه طوارىء مش هانهزر
ويسيب ناس بالطوب بتكسر
ويسيب ناس بتهدد شعب
ناس وفلول بتعيش فى فساد
ناس بتقول للعكسر هات
هات فى عساكر حط وزيد
واللى نعوزه لابد اكيد
اكيد هانطوله لو هاتفسر
ان الغدر ده لينا اتفصل
ارجع اقولك اهدى فكر
فكر تبقى فى فعلك اكبر
اكبر من مسلم ومسيحى
اكبر من احزاب هاتاثر
ده انت حمينا وانت ملاذنا
لو هاتقول بالحب نعمر
ليه قرارتك فيها تاخير
ليه حسابتك واخده كتير
ليه بتفوق من النوم متاخر
لما يكون الدم شوارع
لما يكون الامن كوارع
لما نتوه منك فى الضلمة
لما نلاقى نهارنا ده عتمه
لما نلاقى فلول بتدمر
لما نلاقى سيوف بتكسر
وانت تقول نشجب ونحذر
ليه بتعذب فينا بوقتك
ليه بتقول الوقت ده وقتك
ده مش وقتك لاو ده مكانك
سينا عايزة كل رجالك
وانت تقوم بالدور الاكبر
سيب لينا مصر نشوف فيها حالنا
سيبنا نحاكم اللى ظلمنا
سيبنا نوقف اللى قهرنا
سيبنا نقول لفلوهم بره
ونعيش فيها بحب وعدل
وانت احمينا شمال ويمين
ده انت حمينا مهما نكون
|