[king lion]

اقتباس المشاركة الأصلية كتبت بواسطة doiss كل اللي شايفه من توجه عام ليك يا محمد هو إقصاء لأي فكر مخالف وسرد سلبيات سواء صحيحة او لا اساس لها من الصحة ! ابتديت بالعلمانيه ودخلت ع الليبرالية وقلبت ع المسيحية وشوية وتقلب على الشيعه وحاجة صراحة منتهى الاقصاء وإحتكار الحقيقة !!

مرحب بيك يا ضياء نورت الموضوع

فى البداية لا أعتقد أننى سردت سلبيات فى الموضوع ليس لها أساس من الصحة مطلقاً

بل هى أقل القليل من السلبيات الفعليه الموجودة

الموضوع عن العلمانية بالفعل
وقمت بالمرور على الليبرالية من حيث أنها تدعوا للحرية المطلقة

لم أتوجه فى حديثى عن المسيحية

بل لو أنك لاحظت فى الموضوع قد دافعت عن السيد المسيح
وكيف أن بعض الجهابزة فسروا معنى نص فى الأنجيل
تفسير مخالف لما هو عليه ليدعموا فكرهم

وحينما تحدثت عن الكنيسة تحدثت عن حادثة واقعية
وبداية ظهور العلمانية

وهذا للتوضيح من أين آتت العلمانية إلى الوجود
وهذا ليس فيه إى هجوم على أحد

أنا فى ذلك الموضوع لم أتحدث عن الشيعة

فى الحقيقة يا ضياء أنا لم أحتكر شىء

بل أنا اسأل ما هو الشىء الغير موجود فى الإسلام
والذى جعلنا ننسلخ عن الشريعة ونلجاء لحركة علمانية مفسدة

اقتباس انا بستغرب صراحة منين انت روحت اقترعت بصندوق الانتخاب بناء على الديموقراطية والفكر الليبرالي وجي تقصى اي مختلف مع اسلامك السياسي !!

عذراً أخى ضياء لا تتعجب
فالشورى معروفة منذ عهد النبى صلوات ربى وسلامه عليه

وواقعة قيادة خالد بن الوليد لجيوش المسلمين فى غزوة مؤته لخير دليل على الأنتخاب

إى أنها ليست بدعة ليبرالية أو علمانية بل هى إسلامية

وانا مسلم ولله الحمد
مسلم لله وحده دون غيره
ولست مسلماً سياسياً أو غيره

اقتباس هو مش لا اله الا الله دية حرية فكر ليبرالي ! هو مش من شاء فليؤمن ومن شاء فليكفر دية حرية فكر ليبرالي ! انت دايماً بتخلط وتلبس ما بين ايدلوجيات الفكر لتسيير ومواكبة الحياة وفق مرجعية دينية وما شابه وما بين إقصاء الاخر بدافع الشريعة الاسلامية !! والله بجد انت غريب وامرك محير ومش عارف انت بتستفاد اية من اقصاء وتكفير الاخر وإحتكارك للحقيقة !!

اخى الكريم من أتى قبل من
الإسلام العظيم
أم العلمانية والليبرالية

لا إله إلا الله محمد رسول الله حرية إسلامية خالصة

بالعكس أنا لم أخلط الأمور بل وضحت بكل أنصاف

وسألت ولم أجد إى أجابة شافية

ما الذى ينقص الإسلام وشرع الله تعالى لكى نحتكم إليه

هل منعك الإسلام من التفكير والتقدم والعلم والرقى
لم يمنع الإسلام ذلك

إذا لماذا نلجاء لغير شرع الله لنحتكم اليه ونجعله نهج لنا
وبه مفاسد عظيمة وخطيرة

اقتباس لية موضحتش ان السجادة اللي انت بتصلي عليها دية فكر الحادي (مستوردة من الصين) ؟

انا أقتبست الجزء ده تحديداً للتصحيح

أولا سجادة الصلاة ليست فكر الحادى كما تقول

لأنه ثبت فى الحديث الصحيح

أمرني رسول الله صلى الله عليه وسلم أن أناوله الخمرة من المسجد فقلت إني حائض فقال تناوليها فإن الحيضة ليست في يدك
صحيح مسلم خلاصة الدرجة صحيح

والخمرة هى ما يضعه المصلى على الأرض
وكانت تصنع من سعف النخيل

سجادة صلاة يعنى

اقتباس لية موضحتش ان المواصلات اللي بتركبها صناعة فكر علماني ؟ لية موضحتش ان الادوية اللي بتعالجك نتاج فكر ليبرالي وعلماني !! انت لية بتختزل وبتعمم ان اي فكر مخالف ليك مش مفيد وبيسيء للإسلام !! طب اهو الفكر المخالف ليك سايبك تنتفع بما يتوصل الية من تقدم وانت كل وظيفتك بالدنيا انك تطرح مواضيع عليه وتكفرة وتقصيه من الدنيا !

فعلا المواصلات صناعة فكر علمانى
والأدوية برضه صناعة فكر علمانى

ماهو حاليا لحد اللحظه دى بنتحكم بالحكم العلمانى مش بشرع الله

الشيخ الشعراوى قالها صريحة

حينما كنا نحكم بشرع الله أزدهرنا وتقدمنا
وحينما أقصينا شرع الله تخلفنا

وعلى فكرة فى علماء ملحدين كمان وخدموا البشرية
هل ياترى أنتهج الألحاد كقانون دوله وأمشى عليه

ياترى الجزء الأخير ده موجه ليا بس وله بيشملك وبيشمل جميع العرب والمسلمين ؟؟؟؟؟

أعتقد أنه بيشملنا جميعاً مش بيشمل شخص لوحده

بس تعالى خلينا نفكر

أدينا هو ماشيين بالنظام العلمانى من أيام الخديوى

ياترى ليه مفيش تقدم وفيه أنحلال بيتفشى يوم بعد يوم
والطغيان برضه بيزيد يوم عن يوم

مش ده الفكر العلمانى برضه اللى مشينا عليه سنين وسنين

بنقول أه فى الدستور دولة إسلامية

بس يا فرحتى إسلامية أزاى يعنى نفسى أفهم
وهى ماشية بنظام علمانى بحت

إسلامية أسماً فقط والفعل علمانيه وسحبتنا كلنا لورا
والكبير ياكل الصغير والناس تاكل من الزبالة

مش دى برضه العلمانية اللى حكمنا بيها مبارك
وله كان بيحكمنا بشرع ربنا ؟؟؟؟؟؟؟؟

اقتباس لية مش بتوضح ان فية منهم ناس بتسعى لتحقيق علوم تنفع الانسان ولا هو اللي بيصنع عربية ولا طيارة بيعملها عشان قاعد بيفكر ازاي يطعن بالإسلام ! هو فاضيلك ولا فاضي لامثال نفس نهجك !! انت غريب اوي بجد :biggrin:

طيب كل ده جميل بس تقدر تقولى ليه أنتهج نهج الناس دى
هل الشرع الربانى عندى ناقص فيه حاجه عشان أنتهج نهج بشر

لا طبعاً هو مش فاضيلى ولا أنا فاضيله أصلاً
لكن برضه ده مش سبب يخلينى أنتهج نهجه وأحطه فوق
وأركن شرع ربنا على جنب مش كده برضه

أدينى شىء واحد فى العلمانية وله الليبرالية ككل وله فى إى نهج بشرى من إى مكان أنت عايزة

مش موجود فى الإسلام

حرية موجودة

عدل موجود

مساواة موجودة

أتاحة الفرصة للعلم والعقل والأبداع والأختراع موجودة برضه

أحترام الأخرين موجودة

الرفق بالحيوان موجودة برضه

أدينى شىء واحد بس يخلينا نقول للشرع لا
ونقول للعلمانية تعالى أحكمينا

اقتباس هما عندهم جانب سيء وانت كمان عندك جانب سيء ,, لكن تعال كدة شوف الناس دية بتفكر تخدم البشرية ازاي هتلاقيهم بينفعوها اكتر منك الان وانت قاعد تراقبهم وتنزل مواضيع تشتم فيهم وتكفرهم وهما بيتريقوا عليك وانت تستاهل صراحة كل خير لانك حاصر نفسك بشريحة سيئة منهم وقافل على نفسك الباب معاها وشغال ضرب فيهم واللي برا الاوضة سايبك وبيصنعوا سيارة ولا طيارة ولا موتوسيكل ولا ادوية هههههه

لا يا ضياء مع كامل أحترامى ليك

هما عندهم جانب سىء معروفه ومفهومه وجوانب مش جانب

لكن أعتقد ده يختلف أختلاف تاااااااااام مع الإسلام

لاحظ أننا بنتكلم عن منهجين

المنهج الإسلامى

والمنهج العلمانى

انا عن نفسى مش شايف أن المنهج الإسلامى المنزل من فوق سبع سموات فيه جانب سىء أبداً

ياريت بس يا ضياء لما نتكلم نتكلم بصيغة الجمع مش المفرد

هما بينفعوا البشرية أكتر مننا جمع مش منى لوحدى
عشان بصراحة تفرق فى المعنى

غير كده هما بيضحكوا على العرب ككل يعنى كلنا فى الهواء سواء
وده ليه يا ضياء لأننا مشينا على نظام علمانى بحت

وبقى كل رئيس همه السلطة ويولع الشعب واملى كرشك يا ريس
واللى تحته والنهيبه والهبيشه والحيتان

ماهو مفيش رادع بقى مفيش شريعة تقتص منهم
ده اللى عملته فينا العلمانية

تصحيح معلش انا مكفرتش حد اللى قال ضد الدين الف مره الشيخ الشعراوى مش انا

فكان من باب أولى ترد على كلامه لانى فى الموضوع مكفرتش حد
لأنى بصراحة مقدرش أكفر حد
لأن المسلم لا يكفر إلا بتصريح القول والفعل
وده بقى يتحمله الشيوخ الكبيرة زى الشيخ الشعراوى الله يرحمه زى الأئمة الأربعة وغيرهم من علماء المسلمين

اقتباس خليك انت كدة كل شغلتك تقصى وتكفر خلق الله وتدعى كون فكرك الصحيح وتتوارب بالشريعة وربنا يسهلك امورك وتستوعب كون منظومة الدنيا والحياة موجودة لبث روح التعايش الاجتماعي والسلمي مش التكفير والاقصاء واحتكار الصحيح , بالتوفيق ,

انا لا كفرت ولا قولت ده كافر اللى قال الشيخ الشعرواى
وانا بتعمد ديماً أحط أقوال الشيخ الشعراوى لأن الجميع بيعتمد كلامه
لأنه مش متشدد ومش متعصب ووسطى

وبالفعل يا ضياء انا فاهم كويس ان منظومة الدنيا والحياة
موجودة لبث روح التعايش السلمى والأجتماعى

وده موجود كله فى الشريعة الإسلامية

واللى برضه لحد دلوقتى معرفتش أيه ناقص فى الشريعة
عشان نلجاء للعلمانية تكون حكم لينا فى حياتنا

وربنا يوفق الجميع وشرفنى حضورك