رد: ماالدليل عشان احنا في مجتمع
بتحكمه بعض عادات ظالمة
بيقيس بمكيالين وبيجزأ المبادئ
لما المرأة تنفصل
يبقى العيب فيها وهي اللي خربت عل نفسها
لما الرجل ينفصل
قدر ربنا ومش حصل توفيق وربنا يصلح حاله
لما البنت تعمل أي خطأ
أصلها مش متربية ووووو.... الخ
لما الولد يعمل نفس الخطأ
دهـ لسه شاب وبكرة يتعلم ..
سحقا لعادات مجتمعية لايُقرها عقل ..
وأحلى حاجة تلقي الرجالة حافظين آيتين وناسيين بقى القرآن والدين :
1- (( الرجال قوامون على النساء ))
ويقفوا لحد هنا كأن الآية خلصت
(( الرجال قوامون على النساء بما فضل الله بعضهم على بعض وبما أنفقوا من أموالهم ( 34 ) )) سورة النساء
تلاقي سيادته قاعد باشا في البيت وهيا قايمة بدور الرجل والمرأة وبيردد نص الآية !!
2- (( مثنى وثلاث ورباع ))
وفجأة تلاقيهم بيقولوا سنة كمان مش تبقي عارفة منين سنة بالضبط !!
وينسوا تماما ::
(( وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ وَإِن تُصْلِحُواْ وَتَتَّقُواْ فَإِنَّ اللّهَ كَانَ غَفُورًا رَّحِيمًا ))
وتلاقيه يقولك ماانا بعدل وعندي مش عارفة 100 ابن ووووو
على أساس انه فعلا اللي يتزوج كتير ويبقى عنده أولاد كتير هيعرف فعلا يُحسِن لهم جميعا !!
ده هو أصلا هيتلاقيه بيقعد معاهم ساعة في اليوم وكده عمل واجبه !! ..
ومش من ضمن الدين عندهم خاااالص ::
(( استوصوا بالنساء خيرا ))
الأمر بالمعاملة الحسنة وانه يكون رجل بجد
(( من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون ( 97 ) )) النحل
مبدأ المساواة في الثواب والعقاب مش تجزيء المبادئ ..
سحقا لكل العادات المجتمعية المتخلفة التي لايُقرها عقل ولادين ..
دمتِ بحفظ الرحمن ..
|