[SiLver Spectra]

اقتباس المشاركة الأصلية كتبت بواسطة mo7amad 3ala2 هههههههههههه ,, بس حمدين التانى عندنا فـ بنها والله الاعادة دى اسوأ حاجة كنت متخيلها وللأسف حصلت بس انا شايف ان الناس اتسرعت فـ دعم مرسى من دلوقتى مش معنى كلامى ترشحوا شفيق لكن بالبلدى كدة تتقلوا والافضل انك تقحم شفيق ومرسى فى مزاد لكسب صوتكـ يعنى كويس اوى مثلا الفكرة اللى شفتها لدعم مرسى فى حالة اذا عين حمدين وابو الفتوح نائبين لية وعلفكرة شفيق هيدى وعود وهيحاول يقرب من كل الاتجاهات لان النسبة اللى هتنتخبة مع نسبة عمرو موسى مثلا مش هتسد قدام النسبة اللى هتروح لمرسى وبالتالى هيجر ناعم وهيقد تنازلات هو طبعا المبدأ مرفوض لكتير من الناس بالنسبة لشفيق لكن هيبقى نجاح لو اقحمت الاتنين فى مزاد لارضائك بحيث نطلع بأقل الخسائر لكن فى خوف كمان بعد تولى مرسى بكدة يكتمل الضلع الاخير من مثلث السلطة ونرجع تانى فـ ايد تيار واحد يتحكم فى كل الامور اعتقد ان نسبة الاخوان هتزيد ودة خطر واعتقد كمان ان الـ 4 سنين دى مش معضلة ما هو ممكن ينزلك واحد تانى اخوانى ويقولك لاستكمال مشروع النهضة ) دة غير ان اغلبية الشعب لو رفعتلها المستوى المادى ولقت امن خلاص ميفرقش معاها بقى دة سياستة اية عموما ربنا يستر ..

لسه كنت برد على احمد و بقوله حلوة شروط التصويت
بس عشان نكون صريحين ,,السياسة ندالة
يعني مجرد ما اي شخص يفوز و هيبدأ بعدها ينسى الدعم الي تسبب في نجاحه
و دا طبع الانسان عامة , انه بينسى الفضل بعد ما الازمة تعدي
و خاصة في السياسة

و اعتقد انا جايب من الاخر,,
انت خلاص زنقت نفسك في اختيار الاخوان
نفس غلطة الانتخابات التشريعية
ممكن الفرق بس في ان الرئاسية مافيش فيها مرشح سلفي
لو كان في كانت هتكون بينه و بين الاخوان , لان الاغلبية البسيطة بتتأثر برجل الدين و دا كان واضح مع حازم ابو اسماعيل
فلما فقدت القوة السلفية ,,زادت القوة المدنية , لكن طبعا التشتت اضعفها
فضل الكلاسيكو بين القوة الاخوانية و القوة العسكرية

نورت يا علاء