لحظه ﻟﺤﻈﺔ ﺧﻮﻑ
ﻓﻴﻬﺎ ﺗﺸﻮﻑ
ﻛﻞّ ﺍﻟﻌﺎﻟﻢ ﻭﺍﻗﻒ ﺿﺪَّﻙ
ﻭ ﺍﻧﺖ ﻟﻮﺣﺪﻙ
ﻓﻴﻬﺎ ﺗﺤﺲ ﺍﻟﻜﻮﻥ ﺍﺗﻐﻴّﺮ
ﻛﻞ ﻗﺮﻳّﺐ ﻣﻨﻚ ﺧﺎﻳﻦ
ﺷِﻌْﺮﻙ
ﺭﺳﻤﻚ
ﺃﻫﻠﻚ
ﺻﺎﺣﺒﻚ
ﺣﺘﻰ ﺣﺒﻴﺒﺘﻚ
ﺗﻠﻘﻰ ﺍﻟﺪﻳﻨﺎ ﺑﺘﺮﻣﻲ ﻫﻤﻮﻣﻬﺎ
ﻋﻠﺸﺎﻥ ﺗﻘﺘﻞ ﻟﺤﻈﺔ ﻓﺮْﺣﻚ
ﺗﻠﻘﻰ ﺍﻟﺒﺤﺮ ﺑﻴﺮﻓﺾ ﺗﺠﺮﻱ
ﺗﺮﻓﻊ ﻓﻮﻕ ﺍﻟﻤﻮﺟﺔ ﺷﺮﺍﻉ ﻷﺟﻞ
ﻣﺎ ﺗﻬﺮﺏ ﺇﻧﺖ ﻭ ﺣﻠﻤﻚ
٭٭٭٭٭٭
ﻟﺤﻈﺔ !!!...
ﻟﺤﻈﺔ ﺗﺸﻮﻑ ﻧﻔﺴﻚ ﻣﺘﻘﻴَّﺪ
ﺑﻴﻦ ﺟﺪﺭﺍﻥ ﺍﻟﻌﻤﺮ ﺍﻟﻀﺎﻳﻊ
ﻋﺎﺟﺰ ﺇﻧّﻚ ﺗﻜﺴﺮ ﺳﺠﻨﻚ
ﻧﻔﺴﻚ ﺗﺼﺮﺥ ﻭ ﺍﻟﺼﻮﺕ ﻳﻌﻠﻰ
ﻳﻮﺻﻞ ﻋﻨﺪ ﺍﻟﺸﻤﺲ ﺍﻟﻐﺎﻳﺒﺔ
ﻋﻠﺸﺎﻥ ﺗﺮﻣﻲ ﺍﻟﻀّﻲ ﻑ ﻭﻃﻨﻚ
ﺑﺲ ﺗﻼﻗﻲ ﺍﻟﺼﻮﺕ ﻣﺴﺠﻮﻥ
ﺗﻌﺮﻑ ﺇﻥ ﺍﻟﻌﺘﻤﺔ ﺩﻱ ﻗﺪﺭﻙ
ﻭ ﺇﻥّ ﺍﻟﺤﺰﻥ ﻫﻴﺼﺒﻎ ﺯﻣﻨﻚ
٭٭٭٭٭٭
ﻟﺤﻈﺔ !!..
ﻟﺤﻈﺔ ﺗﺤﺲ ﺑﺨـﻮﻓﻚ ﻣﻨّﻚ
ﺗﺒﻌﺪ ﻋﻨّﻚ
ﺗﺒﻘﻰ ﻋﺪﻭَّﻙ
ﺗﺒﻘﻰ ﺍﻟﻤﺠﻨﻲ ﻋﻠﻴﻪ ﻭ ﺍﻟﺠﺎﻧﻲ
ﺗﻜﺮﻩ ﻧﻔﺴﻚ
ﺗﺮﻓﺾ ﺷﻜﻠﻚ ﺟﻮَّﻩ ﻣﺮﺍﻳﺘﻚ
ﻟﻤﺎ ﺗﺸﻮﻑ ﺍﻟﺤﺰﻥ ﺑﻴﺴﻜﻦ
ﺟﻮَّﻩ ﻋﻴﻮﻧﻚ ﻣﺶ ﺑﻴﻔﺎﺭﻗﻚ
٭٭٭٭٭٭
ﻟﺤﻈﺔ !!!...
ﻟﺤﻈﺔ ﺗﺸﻮﻑ ﺍﻟﺮﻳﺢ ﺑﺘﻘﺮﺏ
ﺗﺎﺧﺪﻙ ﻓﻴﻬﺎ ﻭ ﺗﺮﻣﻴﻚ ﺃﺑﻌﺪ
ﺗﻠﻘﺎﻙ ﻭﺣﺪﻙ ﻭﺳﻂ ﺍﻟﻐﺮﺑﺔ
ﺗﺠﺮﻱ ﺗﺪﻭَّﺭ .. ﺗﺠﺮﻱ ﺑﺴﺮﻋﺔ
ﻓﻴﻦ ﺍﻟﻠﻤـﺔ
ﻓﻴﻦ ﺍﻟﺼﺤﺒﺔ
ﺗﻔﻬﻢ ﺇﻧﻚ ﻋﺎﻳﺶ ﻭﺣﺪﻙ
ﻭ ﺍﻥ ﺍﻟﺠﺎﻱ ﻣﻦ ﺯﻣﻨﻚ .... ﺃﺻﻌﺐ / لا تنسونا بخالص دعائكم / محمد عادل:1eye:
|