[Lαzєzα]

اقتباس المشاركة الأصلية كتبت بواسطة الحان الورد ، إحم , حآسة كدآ انك نفسك في أسئلة يا شهد :biggrin: مخططة انتِ ان الكل في امتحانات , طب أنا خلصت وجتلك :biggrin::biggrin: كآم سؤال ع السريع كدآ : _ راضية عن نفسك .. ولو لأ يبقى ليه ؟ _ بنسبة قد إيه انتِ : طموحة , متفآئلة , صبورة , قوة إرآدتك , متفآهمة , _ دخلتِ صيدلة عشان انتِ حبآها ولا عشان المجموع ؟ ولو كان عشان المجموع يبقى كان نفسك تدخلي ايه غيرها ؟ _ إيه رأيك في المنتدى بشكل عآم وفيآ بشكل خآص :biggrin: ؟ _ هوايآتك ايه ؟ وبتمارسيها دآيماً ولا بتكسلي ؟ إمتى الحلم بيتحول لـ عدم واقعية , يعني إحنا دايماً مفروض نفضل نحلم بس أوقات مفروض بردو نكون واقعيين , انتِ مقتنعة بكدآ ؟ ولو مقتنعة يبقى إزاي نفرق بينهم ؟ ( أنا تهت في السؤال دآ :biggrin: ) بس كدآ , يلا , حآجة بسيطة اهي

ههههههههههههههههه
علفكره البرنامج خلص يوم التلات اصلا
بس مش يهون عليا تحطى اسئله ومش اجاوب انا :P


_ راضية عن نفسك .. ولو لأ يبقى ليه ؟
لا خالص
اممم ,, علاقتى مع ربى مش راضيه عنها نهائى للاسف
فيا عيوب ومش بغيرها ,, مش بحاول
مش مجتهده ف دراستى
مش فاهمه اى الحلو فيا الصراحه =))

_ بنسبة قد إيه انتِ :
طموحة ,
اممم 70
متفآئلة ,
80
صبورة ,
80
قوة إرآدتك ,
امم 70 كدا
متفآهمة ,
70

بخمن الصراحه

_ دخلتِ صيدلة عشان انتِ حبآها ولا عشان المجموع
ولو كان عشان المجموع يبقى كان نفسك تدخلي ايه غيرها ؟
مش حكايه مجموع ,, عشان الاهل بس
كان فيه توبيك نزلته هنا ايام التنسيق , كنت بستشيركم سياسه واقتصاد ولا صيدله
لانى مش بحب خالص المواد العلميه نهائى ,, بذاكرها غصب
وبردو مكنتش اعرف اى حاجه عن سياسه واقتصاد بس كانت عجبانى كدا برانى
بس اللى كنت حابه ادخلها فعلا اعلام

_ إيه رأيك في المنتدى بشكل عآم وفيآ بشكل خآص :biggrin: ؟
المنتدى ,, اممم ,, مميزات وعيوب
مش بحب اتكلم عن المييزات عاده لان الكل بيقولها وبيعيد فيها
العيوب ,, كميه المجامله يخربيت كدا
الحدود بين الولاد والبنات زياده شويه ,,يعنى لو حد داخل وعايز يبقى فيه اختلاط بسيط بين الجنسين هيعانى
يعنى شوفت كذا عضوه بتقول محدش يقولى ى قمر او ى عسل وكدا يعنى
ودا طبيعى اوى هنا ,, مع ان فيه منتديات تانيه مش فيها كدا
كتير اوى مصلحجيه هنا
عدد المشرفين كتير , وكتير مش بيدخل
اممم كفايه كدا ,, بس هو شور فيه تانى

انتى بقى
بجد بجد من غير مجامله
بتعجبنى دماغك وتفكيرك
بحس انك ف حالك كدا , وهاديه
بتابع صفحتك دايما حتى لو مش قيمت ,, مفيش مشاركه بسيبها مش تقلقى :P
بس مش بحسك اجتماعيه اوى ,, او مش مندمجه مع الناس هنا ,, مع انك قديمه هنا يعنى
بس كدا


_ هوايآتك ايه ؟ وبتمارسيها دآيماً ولا بتكسلي ؟

مفيش هوايات غير قراءه الروايات
او القراءه عموما يعنى
ودى مش بسيبها ,, بقرأ دايما اصلا
دايما ف شنطتى كتاب ,, ناو معايا كتاب الحافه لخالد توفيق
بس علمى شويه دا للاسف
بس مفيش هوايات للاسف تانى ,, محدش اكتشف مواهبى المدفونه =))

إمتى الحلم بيتحول لـ عدم واقعية , يعني إحنا دايماً مفروض نفضل نحلم
بس أوقات مفروض بردو نكون واقعيين , انتِ مقتنعة بكدآ ؟
ولو مقتنعة يبقى إزاي نفرق بينهم ؟
( أنا تهت في السؤال دآ :biggrin: )

لا ابقى واقعيه ليه ف احلامى ؟
دى حاجه تجيب الكأبه =))
بس المفروض وانا بحلم ببقى عارف دا هحققه ودا لا
بس بردو بلاش تخليك قنوع اوى ف احلامك ,, احلم بردو
يعنى بلاش لما اقول لحد ,, انا هجيب شقه هنا ,, يقولك ى عم فاكس ,, احلم احلم , اهى احلامك دى اللى هتوديك لورا
لا ويت كدا ,, دا حلم واقعى ,, يعنى ممكن تتحققه
اما لما اقولك انا بحلم اسافر للفضاء ,, ودا نفسى فعلا
اهوه انا بحلم بكدا ,, بس دا مش واقعى وانا عارفه دا ,, بس عارفه دا ف عقلى الباطن
بس بقنع نفسى انه ممكن يحصل ,, ليه لا ؟
انا ررغيت كتير وتوهت انا اصلا ,, معلش بقى
قولت اخد ريست من المذاكره , فجيت هيست هنا =))