[فتحى عيسى]

أكيد عندكم ...
اللي أهم ...
وقيمتة اكبر ...
من الوطن ...
ومن روح إنسان ...
طب ليه ساكتين ...
شبوا فينا النار ...
أحرقونا كلنا ...
متسيبوش حد فينا مرة واحدة ...
أضربونا بقنابلكم مرة واحدة ...
دوسوا علي رقابنا ...
بدبابتكم مرة واحدة ...
أنسفونا من الوجود مرة واحدة ...
بس مرة ...
أرحمونا مرة واحدة ...
وأدفنونا في ترابها ... جملة واحدة ...
واقفلوها عليكم ...
متموتوناش ...
كدة بالتفصيل ...
وتحرقونا ...
صبح وليل ...
وتقتلوا فينا الازهار ...
وتقلعوا عين النهار ...
مرة واحدة ... بس مرة
لو قدرتم ...
خلصونا من أملنا ...
أنزعوا منا ... أحلامنا ...
من صميمنا ... نور طريقنا ...
من قلوبنا ... عزمنا ...
وروح نضالنا ...
مرة واحدة ... بس أخيرة ...
شبعنا تعب ... وإهانة ...
شبعنا موت وخيانة ...
شبعنا ذل وتشريد ...
اللي فات كله كوم ...
واللي جي ...
مش بعيد ...
مصر ولادة ...
عفية ...
لسه فيها ... الخير بيجري ...
في روح ... ولادها ...
مصر جاية ...
فتحي عيسي