[محمود الصاروخ]

السلام عليكم ورحمة الله وبركاتة
اخباركو اي ياشباب ؟ بخير ؟ طب الحمدللة

....
موضوعى النهاردة عن " الاخوان " لان النهاردة كنت واقف مع شخص من جماعة الاخوان المسلمون ودخلنا ف حوار طويل وقولتلة هرد عليك بكلمتين ع النت ابقى شوفهم

....

فاكرين ياأخوان ؟؟؟؟؟

1 - فاكرين لما تعرض " محمد ابو حامد " للاساءة من أمثالكم لانة ظل يدافع عن الثوار ف محمد محمود ؟
2- فاكرين لما افتتح الكتاتنى مجلس الشعب بكلمة " شكر خاص لسيادة المشير محمد حسين طنطاوى " وكنا غرقانين فى دمنا فى التحرير فى ظل احداث محمد محمود ؟
3 - فاكرين لما الكتاتنى قال ان الشرعية الوحيدة لمجلس الشعب وليس لميدان التحرير ؟؟
4 - فاكرين الصفقة بين العسكر والاخوان وكان هتاف الثوار .. بيع بيع بيع الثورة يابديع ؟؟؟
5 - فاكرين لما قولنا " لا للتعديلات الدستورية " اتقال علينا كفرة وبنرفض الدين الاسلامى واننا عملاء وخونة
6 - فاكرين الشيخ " عماد عفت " لما اتقتل برصاصة فى الصدر من على بعد امتار من أحدى طباط الشرطة العسكرية .. ولم يهتم الاخوان بشأنة ولم تقم أى مظاهرات ؟؟؟
7 - فاكرين لما الشيخ " خالد عبدالله " اهان د " البرادعى " وقال لة ياواد يامؤمن ؟

على فكرة ياجماعه
انا مقــــاطع الانتخابات ومش نازل من بيتى عشان محدش يقول انى تبع شفيق ولا حاجة

مع خالص حبى
محمود الصاروخ