[توحد ارواح]

	فى طريقنا لربنا أكيد بتقابلنا عقبات ... هو الطريق مستقيم ( آه ) بس فيه ( مطبات ) " معاصى " و مينفعش بعد اما وقعنا فى المطب مش نقوم و منكملش باقى الطريق ... هدّى السرعة مااشى لكن مش توقف و بعد اما تهدّ ارجع امشى بسرررعة تانى ... و انت ماشى فى الطريق لازم بطاقتك تكون معاك صح ؟ افرض لو كان فى لجنة و قالولك هنفتش ! هتعمل ايه ساعتها ؟؟ معاك بطاقتك هتكون فى ( أمــان ) مش معاك البطاقة اكيد هتكون فى ( خطــر ) اممممم طب ايه البطاقة اللى لازم تكون معاك فى الطريق ؟؟ بطاقتك هى ( القـــرآن ) ولازم تكون حافظ بيانات البطاقة دى كويس مينفعش الظبط يسئلك " اسمك ايه ؟؟ و ساكن فين ؟" و متجاوبش اصلك ( كده هتضيع ) لازم تحفظ ( قرآنك ) علشان تحفظ حياتك كان فى مقوله عجبتنى اوووى بتقول ( لا تقل فلان يحفظ القرآن , بل قل القرآن يحفظه ) فعلا القرآن هو اللى هيحفظنا بس لو حفظناه مش كده و بس لازم كمان نعمل بيه و نتأثر بيه و نتدبر معناه ... اصلك بتعامل مع ( كلام ربنا ) يعنى و انت بتقرأه مطلوب منك تبقا إنسان تااااانى ( سكينة و وقار و خشوع ) ... طريقة مختلفة تماما ...(( فإذا قرأت القرآن فاستعذ بـالله من الشيطان الرجيم )) النحل 98 . صوت تانى يليق به ..." ورتل القرآن ترتيلا " اصل القرآن ده ( حيــــــاه تانيه ) الصحابة فى عهد الرسول صلى الله عليه و سلم كان معظمهم ( أميين ) بس كانوا افضل و احسن مننا بمرااااااحل كتيييير طبعا احنا ( المتعلمين ) ... كان شغلهم الشاغل هو ( القرآن ) , حبهم الوحيد هو ( القرآن ) , حياتهم كلها كانت فى كلام ربنا فى كتابه العزيز ... مكنش فى واحد من الصحابة يقول : لما اخلص مذاكرة , لما ارجع من الشغل , لما اخلص اللى ورايا هفضى للقرآن و اقرأ و احفظ ان شاء الله ... الخ اصلك كده عمرك ما ( هتقرأ ولا هتحفظ ) لأن الاعمال الدنيويه دى مش بتخلص ف ليه شااااغل نفسك بحاجات مش هتفيدك و سايب اصل دينك ؟؟ القرآن هو حياتك .. هو نجاتك فى الدنيا و الآخرة ... احنا من غيره ( ولا حاجة ) مش قادر تفضى نفسك شوية ساعة بالصبح و ساعة بالليل مثلا دول سااااعتين من 24 ساعة ... خليهم للقرآن خليهم لله تعرف ان الصحابة كانوا بيختموا القرآن فى اسبوع !! آه فى اسبوع واحد بس .. انت بقا بتاخد فى الجزء الواحد أد ايييه ؟؟ تعرف كمان كان ايه اللى بيشغلهم عن القرآن ... كان سيدنا خالد بن الوليد رضى الله عنه يبكى و يقول ( شغلنا عنك الجهاد ) كان اللى بيشغل الصحابة عن القرآن ( الجهاد ) اللى هو برضو من اشرف العبادات ... فأنت ( مالذى شغلك عن القرآن ؟؟؟ ) ( أين القرآن من حياتك ) اقعد و حاسب نفسك امتى كانت آخر مرة ختمت فيها ؟؟ امتى كانت آخر مرة مسكت المصحف و قرآت او حفظت فيه ؟؟ المصحف بقاله اد ايييه على الرف لحد اما التراب غطاه ؟؟؟ امتى كانت آخر مرة ( اتأثرت بالقرآن ) و بكيت و تدبرت معانيه ؟؟ امتى آخر مرة استشعرت بلذه و حلاوة كلام ربنا ؟؟ لو مش فاكر آخر مرة فى الاسئلة دى كلها يبقا انتى محتاج ( قلب جديد و حياة جديده ) عاوزين منك شوية همه عليه و نيه صادقة قويه لوجه الله و صدقنى تقدر ترجع تانى للقرآن مفيش حاجة مستحيلة طالما فى استعانه بالله و توكل عليه وحسن ظن به و صدق مع الله ... اصل مرتبه قارئ و حافظ القرآن دى مش سهله علشان تفرط فيها بالسهولة دى .. عن أنس رضي الله عنه قال : قال رسول الله صلى الله عليه وسلم (إن لله تعالى أهلين من الناس . قالوا : يا رسول الله من هم ؟ قال : هم أهل القران أهل الله وخاصته). (صحيح الجامع2165) ************************************************** ***** حديث أبي أمامة الباهلي رضي الله عنه قال سمعت رسول الله صلى الله عليه وسلم يقول: (اقرؤوا القرآن فإنه يأتي يوم القيامة شفيعاً لأصحابه). (صحيح مسلم) ************************************************** ************* صاحب القرآن يرتقى في درجات الجنة بقدر ما معه من القرآن عن عبد الله بن عمرو رضي الله عنهما قال: قال رسول الله صلى الله عليه وسلم: (يقال لصاحب القران اقرأ وارتق ورتل كما كنت ترتل في الدنيا فإن منزلتك عند آخر آية تقرؤها). (صحيح الجامع8122) ***************************************** حديث أبى هريرة رضي الله عنه عن النبي صلى الله عليه وسلم قال (ما اجتمع قوم في بيت من بيوت الله يتلون كتاب الله ويتدارسونه فيما بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده). (صحيح مسلم) ************************************************** *** مضاعفة ثواب قراءة الحرف الواحد من القرآن أضعافاً كثيرة حديث عبد الله بن مسعود رضي الله عنه قال : قال رسول الله صلى الله عليه وسلم (من قرأ حرفاً من كتاب الله فله به حسنة ، والحسنة بعشر أمثالها لا أقول (الم) حرف ولكن : ألف حرف ولام حرف ، وميم حرف). (صحيح الجامع 6469) يلااا امسك مصحفك و ارجع اقرأ فيه من تانى و خليه أنيسك و ونيسك فى وحدتك ... أسأل الله ان يجعلنا من أهل القرآن و خاصته ... اللهم آمين