[Lost Pearl]

السلام عليكم اولا : منورة الحوار يا منة و شكرا ع القبول وعليكم السلام شكرا ليكى لوجى على الدعوة الجميله دى ثانيا : الاسئلة بقي اسئلة عن المنتدي >> 1- بداية ممكن تعرفينا علي نفسك اكتر .. يعني غير الكلام العادي بتاع بنت عادية و كدة ؟ اكيد هاقول انسانه عاديه جدا ممكن اكون حساسه حبتين وبزعل بسرعه لكن بردوا بنسا وبروق بسرعه بحب القراءه والاشعار خصوصا 2- ايه رأيك ف نشاط المنتدي الفترة دي (مع اعتبار السقوط اللي حصل) ؟ المنتدى ماشاء الله عليه نشاطه دايما واضح وبرغم كل ازمه بيمر بيها لكنه بترابط اعضاءه وحبهم الكبير ليه بيقدروا يعدوا من كل ازمه بنجاح ولكل جواد كبوة واكيد الفتره الاخيره كان واضح فيها تأثير تغييرالرابط لكن الحمد لله بدأنا نعديها بنجاح 3- شايفة ان المشرفين اللي اتعينوا ف اخر فترة دي قايمين بشغلهم مبدأيا و لا لسة محتاجين شوية نشاط ؟ اكيد واخدين بالهم كويس وعندهم افكار جديده وطبعا مع الوقت محتاجين شغل اكتر كلنا فى بدايتنا فيه منا اللى بياخد على الاشراف بسرعه ويعمل نشاط وفيه منا اللى بياخد وقته بس المعروف ان بيتم اختيار العضو كمشرف نتيجة نشاطه وعطاؤه المميز لقسمه 4- ده يجيبنا لسؤال تاني .. في مشرفين ف اخر تعيين ده مش شفنا منهم شغل خالص .. طب ليه بيتم التعيين من غير فترة مراقبة او اختبار زي قبل كدة ؟ ممكن يكون القسم اللى اتعينوا فيه مافيش عليه طلبات اشراف كتيره غيرهم واكيد لسه بيفكروا هاينشطوة ازاى لكن طبعا لازم يكون فيه اختبار ومتابعه للعضو قبل تعيينه للاشراف 5- ايه رأيك ف ساحر الاحزان كاداري منتخب .. خصوصا ان النائب بتاع >> يعني قوليلنا مميزاته و عيوبه و مش تخبي :biggrin: ؟ ساحر انا رائى فيه من زمان انه عضو محترم ومجتهد غير حبه الكبير الواضح للمنتدى بيخليه لايبخل بأى وقت فاضى عنده وبيدخل يشارك فى كل الاقسام غير تعاملاته الجميله واخلاقه العاليه مع الجميع حببت فيه كل الاعضاء عيوبه معرفتهاش لسه الحقيقه 6- شايفة انك قايمة بدورك مع امجد .. و لو في تقصير يبقي ف ايه بالظبط ؟ يعنى اللى يجاوبك على السؤال ده امجد انا بحاول اعمل اللى اقدر عليه واساعده ولو فيه تقصير اكيد هايقولى واحاول اعوضه 7- ممكن تقولي نصيحة لكل من : الاعضاء : انتم اعضاء فى احسن منتدى فى عالم النت حافظوا عليه وماتبخلوا بأى شىء تجاهه وحافظوا على علاقه الاخوة المحترمه بينكم وماتخلوا اى خلافات تخسركم بعض مهما كان السبب وربنا يوفقكم وينجحكم جميعا المشرفين : الاشراف امانه وتكليف واختياركم من الاداره نابع لثقتها فيكم لازم تكونوا قد الثقه دى وتعملوا على نشاط اقسامكم والمتابعه الجيدة ليها وتطويرها بكل الافكار الجديده وردوا على كل مواضيع اقسامكم لان ده حافز كبير لكل الاعضاء واتمنالكم كل التوفيق المراقبين : اكيد شغلكم واضح والعبء كبير عليكم فى المتابعه اتمنى ان نشاطكم مايقلش وتفضلوا على قد المسؤليه الكبيره اللى بين ايديكم وربنا يعينكم ويوفقكم الادارة : ربنا يكرمكم ويقدركم على تطوير المنتدى اكتر من كده المسؤليه كبيره واكيد مطلوب منكم دايما التطوير والعمل على نجاح المنتدى ده غير طلبات الاعضاء والمشرفين اكيد بتمنى ليكم كل التوفيق والنجاح نفسك : انصحها تخلى بالها منها شويه وتحاول على قد ماتقدر مايقل مستواها وتعمل اللى تقدر عليه عشان على طول تبقا احسن اسئلة شخصية عنك >> 8- منة بتبقي موجودة بشكل الي حد ما كبير .. ده مش بيأثر عليكي و علي اهتمامك ببيتك ؟ يعنى انا بدخل المنتدى فى وقت فراغى وانا مش بشتغل ولابخرج من البيت الا للضرورة فالمنتدى وفر ليا تسليه وثقافه كبيره كنت مفتقداها الاول لو أثر هايكون تأثير إيجابى 9- اما بتحبي تصيفي .. بتروحي فين ؟ فى اماكن كتير بنروحها لكن لو هاختار يبقا اسكندريه هيا معنى المصيف والبحر بالنسبه ليا 10- ايه اكتر حاجة بتحبي تعملها عشان تسلي بيها نفسك .. بعد المنتدي ؟ بحب القراءه جدا ولما بكون مش فى المنتدى او النت قاطع اقرى اى حاجه او اتفرج على مسلسل تركى 11- بتخافي من ايه ف حياتك .. او بمعني اصح ايه اكتر حاجة بتقلقك و بتبقي شاغلة بالك دايما ؟ بخاف من ربنا سبحانه وتعالى بس وبعمل حساب للزمن وتقلباته او انى احتاج لحد وبقلق جدا لما تكون حاجه مقدمه عليها وتكون مجهوله غير واضح ملامحها لسه بخوض التجربه بمنتهى الحرص 12- قوليلي بتحب لون ايه اكتر واحد .. و اكتر رقم كمان ؟ بحب البينك والموف وبحب رقم 5 و 6 يللا كفاية عليكي .. انا طيبة اهو جدا اطيب بنوته عرفتها تسلمي و نورتي و ربنا :sml2: