مساء السعاده لكل الموجودات
مساء الفل والياسمين نهر
شوية أسئله كده خفيفه للبنات
ومستني تفاعلهم
وبلاش هروب او ردود ديبلوماسيه 
هنجاوب وبكل صراحه
تتمني فتى أحلامك .. جريئ . خجول . طيب ؟
اهم من كل ده ومش رد بلوماسى
يتقى الله فى معملته بجانب الطيبة
*
الحب عندك = ؟
الأحتواء فى كل شىء
*
أهم شيئ بيعجبك في الولد ؟
عقليته وفكرة وثقافته
*
اكتر لحظات ضعفك ؟
والله لحظات الضعف كثيرة
بس
لما اكون مخنوقة ومش لاقية حد اتكلم معاه
*
أكتر لحظات صدقك ؟
لما اقعد مع نفسى
اتحاسب انا وهى
*
أكتر لحظات حزنك ؟
حينما اتذكر اعزاء فقدتهم او مرض
انسان عزيز عليه
*
الغرور .. صفه ولا طبع ولا وسيله لشد الانتباه عندك ؟
محبش الغرور ولا الانسان المغرور وفى نظرى هى طبع والطبع لا يتغير
لو صفة ممكن التخلص منها
*
الرجل الجري أكثر أم الرجل الوسيم جاذبيه ؟
ولو أن السؤال مش واضح قوى هل المقصود
التفضيل او الأختيار بينهم
عموما
تختلف الجرأة هنا فهى نوعان
افضل
الجرىء فى معاملته دون الخروج عن اللياقة او الأحترام
مع الطيبة والحنان
الوسامة والجاذبية ليست كل شىء
لكن لا يمنع ان يكون مقبول شكلا
*
تتمني فتى احلامك : شاعري , رومانسي , طموح , جاد , رجل وخلاص ؟
لأنى رومانسية
وخيالية زيادة عن اللزوم
احب الرومنسى مع الطموح
اشعر انه اكتر واحد ممكن يفهمنى
*
امتى تحسي انك كدبتي ؟
ههههههههههه
لما رئيسى فى العمل يسألنى عن حد زوغ
اضطر اكدب عليه حتى لا يؤذية
*
على الياهو عندك كام صديق وياترى الصداقه = عدد ولا صديق واحد أفضل ؟
لو الصداقة عدد ممكن يكون فيه كثير بصفة اصدقاء
لكن ليس بينهم الصديق الصدوق اللى بيكون هو المراية
اللى توجهنى للخطا بدون زعل او أحراج
الصديق اللى ممكن يكون سند لصديقة فى شدتة
ففى الحالة دى واحد احسن من الف صديق
قد تختلف وجهات النظر طبعا
*
النت بيعتبر ليكي : ترفيه , قتل وقت فراغ , اثبات ذات , علاقات انسانيه , ثقافه ؟
قبل كل شىء ثقافة ومعلومات
*
مع أو ضد الحب فوق عالم النت ؟
سؤال وقفت امامة كثيرا وأى كلام ممكن اقولة أكيد محسوب علية
لا أنكر ان الكثير منا والأغلب قد تجتاحه عواطفه وتخرج عن السيطرة وتحيط به
مشاعره من كل جانب وقد يعشق قلبه شخص ما !!
ويبقى كالتائه هنا (يدخل في عراك مع قلبه وعقله ) وكأنه فعلا غير قادر على ادارة الموقف
الحب قد يولد في لحظة او في وقت او في مدة معينة فهو غير مرهون بزمن
فالحب نابع من القلب للقلب لا توقفه حدود ولا تمنعه حواجز ومن الجايز ان ينتج عنه علاقات ناجحة
*
ايه اكتر شيئ استفدتيه من النت ؟
استفدت منه المعرفة لأشياء كثيرة
واستفدت منه معرفة طباع الناس
*
ايه اكتر شيئ خسرتيه من عالم النت ؟
الوقت .. فأصبحت متقوقعة مع نفسى
بعيد عن زيارات نزول خروج
*
كلمه مختصره توجهيها لحد ؟
كلمة اوجهها لأنسان عزيز تهنئة
بعيد ميلاده أأقول له كل سنه وانت طيب
ويارب السنه دى تبقى اجمل من اللى فاتت
وتحقق كل اللى بتتمناه
وسنه سعيده عليك
وبالتوفيق ديما فى حياتك
*
مقوله دايما تحبي تقوليها ؟
عامل الناس بما تحب ان يعاملوك
*
الكتاب بيمثل ايه في حياتك : خنقه هو انا ناقصه مذاكره , متعه ادبيه , مش بقبل شكلوا ؟
متعة ادبية بس بعيد عن الكتب العلمية
*
شخصيتك على النت هل هي هي شخصيتك بالواقع ولا لابد يكون في تحفظات او تغييرات ؟
شخصيتى على النت هى شخصيتى فى الواقع
مع بعض التحفظات البسيطة
*
بس كفايه عليكم كده
حرام عليك يانهر عصرتنا عايز اكثر من كده اية
شكرا لك ولمجهودك المميز