[تناهيد الهوي]

دريت عنه اللي حصـل لـك ويفـداك مهما حصل من صفحتي مـا طويتـك معزّتـك مـا غيرتـهـا سـوايـاك رغم اعترافـك بالخطـا مـا جفيتـك جيتـك أدوّر بسمـة الحـب بشفـاك تتلنـي لهفـات شـوقـي وجيـتـك جيتك أجـدد ماضـي الحـب ويّـاك لا تحسب إني فـي غيابـك نسيتـك وشلون أودّع لـذة العمـر وأنسـاك ما تدري إني من غـلاك أحتويتـك ومع كـل دقـات الخفـوق أتمنـاك وفي كـل لـذات الحيـاة اشتهيتـك يامـا تخيلتـك وراجعـت ذكــراك وسهرت مع ذكـرى غـلاك وبكيتـك تسابـق العبـرات لا حـل طـريـاك وأحيان أمرّ " بموتري " حـول بيتـك لعـل لا شـاهـدت دارك ومـربـاك يبرد حمى الأشواق لـو مـا لقيتـك هذا الصحيح ولا اعتقد شـيْ يخفـاك تدري وأنا عـن كـل زلـة حميتـك جاك النصيب اللي كتب لـك بدنيـاك لو قلت ليتك .. جيـت قبلـه وليتـك وصدّيت أخاف الناس بالقـول تقفـاك مـن البدايـة بالمـعـزّة نويـتـك وأنا الوحيـد اللـي تحطـم بفرقـاك لأنـك أول مـن عرفـت وهويـتـك حالت أقضّـي رحلتـي مـع بقايـاك وأشعلت شمعـات الخيـال وشكيتـك ورسمت في صفحات شعري محيـاك أغلى قصيـدي فـي بيوتـه رويتـك أصدق مشاعر وأصدق احساس يرعاك جنّبـت غيـرك بالغـرام ونصيـتـك دايم مجنّـد كـل مـا فـي ّ لرضـاك أخذت من زهـرة صبـاي وعطيتـك الله عـن كـل المخالـيـق بــدّاك بالنفس لو حظـي يجـود اشتريتـك لا تعتقـد سمـعـت هــذا ولا ذاك أنـا بديتـك بالغـلا مـا انتهيـتـك والله محد ٍ مثل مـا اغليتـك أغـلاك أمك وأبـوك ونسـل حيّـك وميتـك