[نقاء القلب]

اولا : انا فرحانه دا انك اعتذرت لاهلك وهما قبلو اعتذارك

ثانيا بالنسبه للموضوع :

انتى بتقولى هى ليه قاعده ساكته مع كلامهم ،

انا معاها ف كده ان لو اى ولد اتكلم عليكى وانتى ماشيه ولا كأنه بيقول حاجه ...

يعنى اعتبريه كلب وبيهوهو عليكى ولا حتى تبصى ليه ،،،،،،

بس انتى قلتى هما كانوا بيلموسوها فى دى هى غلطانه طبعااا ازاى تسمح بكده .

ع الاقل تزعق ليهم والناس اكييد هتتلم عليها ويضربوهم او يزعقوا ليهم ))

بس يمكن هى صغيره اووى ومش عارفه تتصرف او عجبها الموضوع بقه الله اعلم

وبالنسبه للفضايح بقت علنى ؟؟؟ الصراحه انتى كده مش شفتى حاجه اصلا ,,

فى حاجات بتحصل اكتر من كده بكتيير زى ماتقولى مابقاش فى تربيه ولا عقل عند الشبااب ..

ولا بقول يخافوا ربنا ولا عاملين حساب لاى حد

واما بالنسبه الشباب كلهم بقوا كده ؟؟

لا طبعاااا ي حبيبتى مش كله كده زى مافى الوحش فى الحلو ..

واكيييد زى مافى شباب بتعاكس ومابتخافش ربنا ,,

فى شبااب بيخافوا من ربنا وبيخافوا ع اهلهم وبيعملوا بمقوله كما تدين تدان

بس هى الحياه كده بقت غريبه بقه فى حاجات بتطلع كتيير وتقليدات بالغرب

والتليفوزيون والفضايح اللى هى بتعلم الشباب اساسا الحاجات دى بخلاف بقه النت ... الخ ))

دى حاجات خلت الشباب يبوظ ويضيع ومابقوش قريبين من ربنا ,,

ربنا يستر علينا منهم ويعقلهم كده ويهديهم ،

وخلى بالك من نفسك كده ي جميله ))

ودى وحبى