[ღ Gի๐sτ ღ]

1-يا تري البنت كانت ساكتة لية ومش اتكلمت ولا اعترضت ع اي كلام ولية ما بعدتش لما هما كدة؟

ساكتة لأن هى اللى عايزة كدة وحابة كدة لأنها لو محترمة كانت سابتهم ومشيت ومكنتش اتعرفت على اشكال زى دى من البداية ولكن طالما هيا مصاحبة الاشكال دى و قاعدة معاهم لوحدها وسط مجموعه كبيرة من الشباب اللى ملهمش لزمة وموافقة انهم يتكلموا عليها كدة يبقا اكيد دة برضاها وهي مبسوطة بكدة ومتستغربيش من كلامى لأن الناس اتغيرت وانتى لسة صغيرة 13 سنة تقريبا واستغربتى من خروجة واحدة .. بكرة تكبرى وتخرجى وتشوفى العجب )

2-يا تري الفضائح بقت ع العلني كدة ومش بقي في حياء ولا استحياءمن الناس؟

اعتقد ان الشباب دول بيبقوا فخورين بكدة انهم يتمنظروا قدام الناس و بيعملو كدة عشان يلفتوا نظر اللى رايح واللى جاى مش اكتر يمكن يجيلهم حد من نوعيتهم ودة اعتقادى والله اعلم

3-يا تري هل كل الشباب بقي تفكيرهم سلبي كدة ؟

لا طبعا اى مكان فيه الحلو و الوحش
ومع ان انا مختلف معاكى انك اتكلمتى عن الشباب فى السؤال دة ومتكلمتيش عن البنت لأن من وجهة نظرى
العيب على البنت اكبر من العيب ع الولاد اللى قاعدين معاها وبيتكلموا عنها لأن هى اللى سمحت لنفسها بكدة

شكراً على موضوعك
ومبروك الافراج )
وابقى اسمعى كلام اهلك لأن كلامهم صحيح و الخطف دلوقتى بقا علنى وفى عز الظهر ودة لأن اكيد زى مانتى عارفة اكتر من نصف بلطجية مصر منتشرين فى الشوارع بعد هروبهم من السجون اثناء الثورة