[yasmine refat]

كلام كويس جدا جدا جدا

مع اني شخصيا بدأت أغير رأي بسبب بعض النماذج:biggrin:

ولكن البيئه هي الي بتشكل النماذج دي

على فكره في قبائل بدائيه الأدوار بتبقى معكوسه تماما وده يدل على أن الموضوع عرفي بحت بعيدا عن الدين

بس هو نوع من فرض السيطره وعلى فكره المرأه مش ضعيفه يعني في التاريخ احداث بدل على كده وأبسطها أنها بتقتل الراجل وتخلص عليه اذا الناس هتقف في وشي السواطير والسكاكين مابتخلصش :biggrin:


المهم نجي لأفكار الموضوع (( نقطة التحرش))

المسؤوليه على الاتنين فعلا بس برضو متقدرش تنزع الأراده عن الرجل

بس خلينا واضحين الرجل بيلتفت للجسد والمرأة بتلتفت للكلام والعاطفة

إذا الاتنين غلطانين والاتنين المفروض يحاسبه على غلطهم

وحكاية التبريرات الهبله للمشكله هي اسهل طريقه للهروب منها

بس فعلا البنات بيبقوا مستفزين أحيانا ولكن في غض البصر

النقطه التانيه طبعا غلط ماينفعش الاهل يقفوا في وش البنت لاني دي حياتها (( وفي اهالي عجيبه فعلا )) بدل سعادة بناتها بتدور على مين يشتريها بتمن أكتر !!!

بس مقدرش انكر ان الطرف الي اتجوزها مظلوم لانه اتخدع

وبعدين بصراحه بستغرب من ضعف البنات كل البنات في المجتمع الشرقي عليهم قيود الحذر مطلوب بس اني اكون مشاهد سلبي !!!

عادي موتي نفسك < بهزر على فكره :biggrin:

هنا الوم البنت فعلا لو كانت صغيره ابلعها بس لو كانت كبيره فياما شخصيا شفت بناتهم ظروفهم زفت وبتقاوم وبتوصل

((( كلمة لا مهمة جدا )))

بس سبحان الله القدرات بتختلف وفي بنات بتقدر تتحدى وفي بنات بتنكسر بسرعه

بس صراحه بلاقيها اكتر في النوعيه الي بتتسلى (( تقلك أكلم ولد أتجوزوا لا !!!)) والي بتدبس في حد نذل ومش كله (( فالبنات بيختلفوا فعلا في قدرة تحملهم ))

وعموما البنت برضو تكون عاقله لان الحياه مش حب بس في تفاهم في اسس الحياه فما ينفعش تحارب علشان شخص ما ينفعش تربي معاه فرخه :biggrin:

في كل قرار من راي لازم الشخص يحط في باله ان حياته شاء ام لم يشاء مش ملكه لوحده

بالنسبه للقوامه فدع كل زوجين حسب الي يريحهم وبعدين لو كانت الست هي المنفقه والاكثر تعقلا وقدره ؟؟

وبعدين عادي العصمه ممكن تكون في أيديها

وناقصات عقل (( اتوقع الشهاده كمان )) ففي مفكرين بيقولوا سببها فقط حداثة النساء بأعمال الحياه العامه فمكنش عندهم معرفه كافيه

ويا أستاذي مجرد قولبة المرأة في قالب صغيرة العقل وعديمة الاخلاق والاراده هيأخر من الزوج نفسه الي مش هيلاقي شريك وبيئه تشجعه وهيطلع عيال يأما منعزلين عن أمهم (( وده هيقلل مقدار الرقابه ويمكن ده سبب مشاكل جيلي ان اغلب الامهات مقدروش يحتوا عيالهم فكريا ففي تحف كتير طالعه :biggrin) أو هيكونوا اقل من غيرهم

عموما موضوع كويس جدا جدا جدا

تسلم يمناك او يسارك حسب الي بتستخدمه :biggrin: