[نهر النيل]

ايام الثانوي وطيش الشباب كان ليا صديق ( خلاصة الجراءه )
قال لي هامسا : انت ياعم انت أنا جعان على آخري
فنظرت وقلت له : العمليه ج يا حلو
فقال : بقول لك ايه عندك صراصير ..
قمت واقفا من مكاني مثل من لدغه عقرب وقلت له :انت خلاص الجوع أثر على عقلك ايه هتاكل صراصير ربنا يقرفك ياشيخ روح .
ابتسم بصوت عالي وقال : انت مجنون آكل صراصير ايه ياعم انا عايز واحد بس ونفذ زي ما بقولك وهتعرف بعدين
قلت له : هو انت قلت حاجه اصلا عشان انفذها
قال : بس ادعي ربنا نلاقي صرصار
وأثناء السير في الشارع وجدنا ( بلاعة مجاري ) فقال لي : ارفع معايا وبدأنا وكأننا عمال مجاري وف لحظه أصبح حوالينا
( جيش كامل من الصراصير وكل الأحجام والألوان كمان )
قام هو بغلق البلاعه وبدأ يضرب في الصراصير واصطاد منهم عددا
فقلت له : هتنيل بيهم ايه ؟
فقال : شوف لي كيس بس وتعالى هقولك نعمل ايه
وجدت كيس واعطيته له فأخذه ووضع فيه الصراصير وقال لي : بص احنا هنروح ماكدونالدذ وفيه هناك بنات وكده بس يخدمنا الحظ نلاقي شوية بنات على ترابيز جانبيه وهعمل لك سحر رهيب وانت خد الصراصير ولما تلاقيني شغلت البنات حطهم جنب الأكل واوعى تغلط وتحطهم عليهم فاهم .
قلت له : شكلك كده هتودينا ف داهيه أمري لله
وتوجهنا لماكدونالدذ وعلى الحظ وجدنا 4 بنات قمرات على ترابيزه جانبيه دخل هو عليهم : مساء الخير
ممكن آخد ثواني صغيره من وقت حضراتكم
بدأوا يلتفتون له فهو متكلم لبق وف ثانيه حطيت انا الصراصير وانا برتعش حد يكشف الموال
وتأكد هو من ذلك فقاال لهم : مش حرام تدفعوا فلوس على أكل صراصير !
نظر البنات فوجدوا السرفيس فيه صراصير فقاموا يصرخون وف ثانيه خطف هو 4 ساندويتشات
وأتى مدير المحل فكنت انا وهو جالسين على ترابيزه بجوارها بقايا أكل فأخذ هو صرصار ثم قال للمدير : هوديكم ف داهيه حالا
واعطاني الامر الاتصال بشخصيه مهمه طبعا اي كلام والسلام هههههههههه
لطم المدير على خدوده من فظاعة ما شاهد وقال : بس بهدوء كل شيئ يتصلح
رد صديقي : هدوء !
ندفع 40 جنيه عشان اكل صراصير وتقول لي هدوء هات لي المدير
فقال : سيادتك انا المدير وحالا نرجع الفلوس ويتغير الأكل
وأكلنا وأخدنا فلوس وكان يوم اتحرقت فيه اعصابي
وفعلا رزق الهبل ع المجانين
ايه رأيكم
حد عايز صراصير !
هههههههههههههههههههه