 رد: صراع القلب والعقل
من الناحية العلمية
فالعواطف و المنطق الاتنين من العقل
وان كان عندي اقتناع شخصي لأسباب
انه القلب له دور في العواطف وان كان مش هو الاساس
فلما يكون فيه تناقض بين المشاعر و المنطق
ففي الحالة دي هو تناقض بين العقل العاطفي و العقل المنطقي
بصفة عامة
العقل المنطقي عنده الـــ أنا عالية والحسابات المادية هي الأساس
العقل العاطفي عنده الــ رغبات البشرية -اللي هي جزء من الضعف البشري- عالية
الرغبات البشرية دي بتتمثل في الحب الفطري و المكتسب لأشخاص أو أماكن أوأشياء
لو واحد فيهم تم إلغاءه لصالح الآخر
فالإنسان بيلغي نصف آدميته
كمثال من باب التوضيح ::
الرغبة البشرية بتميل للراحة و المنطق بيميل للاجتهاد عشان نحقق اللي عايزينه
لو كان متحكم هنا بس العقل العاطفي اللي بيميل للراحة فعمرنا ماهنحقق في حياتنا خطوة للأمام
ولو كان المتحكم بس العقل المنطقي فالإنسان هيدخل في حالة صراع مع نفسه ومع الحياة ومع الاخرين عشان يحقق اللي عايزه
صراع هيخليه يستبيح حاجات كتييير ويكسر حاجات كتير من كونه إنسان يعني قتل ذاتي
انما لو حصلت موافقة بين العاطفة و المنطق فهنوصل لتحقيق الحلم بدون قتل ذاتي
بالنسبة لي محاولة الموافقة بين المنطق والعواطف دي في كل حاجة لازم تكون موجودة
لان عواطف بس هتضيعنا أكيييييييييييييد
ومنطق بس هيحولنا لجمااااااد ..
موضوع راقي
شاكرة لحضرتك
سلمت
ودمت بحفظ الرحمن ...
5 ستارز ..
|