ازيك يا معلم
ايه معلم دى مش تنقى الفاظك
ايه يبنى مالك هى طالبه معاك قفش اهدى واستمخ كده
لا لا لا انت كلامك بقى صعب وبرستيجى ميسمحليش بكده
---
نقول سالخيييييير عليكم بقا
طبعا شوفتوا الكام سطر اللى فوق دول
ايه رأيكوا فى طريقة الحوار ؟ وايه رأيكوا فى كلمة برستيج
ايه هو البرستيج اساسا !! اللى اعرفه ان البرستيج ده هو شخصيتك ومظهرك العام
البرستيج انك تظهر ان لك منظر كده ومالى مركزك ومش كل من حوال يعمل برستيج بقاله برستيج
هل البرستيج اننا منتكلمش عربى او منكلمش فلان ده او فلان ده عشان هيقلل مننا ؟؟
هل البرستيج انك تتصنع الكلام وترفع مناخيرك فوق عشان الناس تفكر انك لك قيمة وبرستيج
هل لو انت حتى فى المنتدى او ع النت عموما ترد بكلمه ونص ال يعنى الواد تقيل ومبيردش لاى حد وبرستيج وقلق
او تكلم الناس باسلوب تنطيط و مش عاجبك حد عشان يبقى عندك برستيج ؟؟؟
انا من وجهة نظرى ان البرستيج هو انك تكون شخص بسيط يهمك حب الناس والناس لما تحب شخصيتك بقا لك برستيجك
انك تتعامل على طبيعتك وتحسس الناس انك فعلا شخصيه مش بتتصنع انك تكون شخصيه او بتتصنع الكلام هو ده البرستيج
انا هستنى منكوا اعرف ايه هو البرستيج من وجهة نظركوا وازاى بتعرف ان الشخصية اللى قدامك دى لها برستيج كده
و هل قابلت حد فى حياتك بالنظام ده؟؟
طب هل ف المنتدى حد كده ؟
وهل حد متكلف اوى فى تعامله مع الناس ومتصنع لشخصيته وهو اساسا ولا شخصية ولا بتاع ؟
اسيبكوا تتعايشوا مع التوبيكـ لان برستيجى يمنعنى من الرغى هع هع
ويجعله عامر ...