[DR.SMA]

النهارده أخر يوم في سنه 1433
يعني ليله راس السنه الهجريه
اليوم ده بالنسبالي كمسلمه يوم طبعا مميز
هجره الرسول الكريم من مكه للمدينه وبدايه عهد جديد للإسلام
عهد حريه وإنتصار وتوسع وكل حاجه
كل عام انتم جميعا بخير
::

::
وبردو يوم مميز أوي بالنسبه ليا كـ سما
غير إني في اليوم ده بالزات بحب اغمض عيني أوي
وأكلم ربنا من كل قلبي
وأعد أقوله كل حاجه فـ نفسي وأدعيه
وقبل ما افتح عنيه بكون قولت لربنا على امنيتي الي نفسي تتحقق من كل قلبي
السنه الي فاتت بالزات كانت ليله مميزه حتى بالأماره كانت يوم جمعه
ليله سبت يعني
كانت بتوافق 25 \11
يوم فاكره كل تفاصيله بكل لحظه وكل شيء
أول مره أفتكر اليوم ده ومبتسمش
بس أول مره كمان أشوف دموعي عامله كده
مش زعلانه على حاجه أكتر م انا زعلانه اني فاكره كل حاجه
وعد إني هعمل زي ما بعمل كل سنه
بس أكيد مش زي السنه الي فاتت
مش زعلانه اني مريت بالسنه الي فاتت
كانت من أجمل سنين عمري حقيقي
بس كمان من أكترهم ألم وحزن وإنكسار
بس مش ناويه أكررها
حاسه بألم ميتخيلوش بشر
لدرجه حتى إني مش عارفه اظهره ولا حتى باين عليا لحد
ألم من جوايا
بقالي كذا ساعه اعده مع اقرب الناس ليا ومتكلمتش
بس لما فتحت صفحاتي مقدرتش مكتبش
وحالا عايزه امسح الكلام ده بس بردو لو معملتش إضافه الرد
مش هرتاح
حقيقي جرحتوووووني أوي
وحقيقي على اد الحب اجرحت وعلى اد الجرح الي حساه حالا ده والألم ده
ناويه اكون مبسوطه وأعيش بجد
سما الي كانت زمان عايشه اجمل حياه
هترجع تاني
سنه كامله باليوم
ومش ناويه أكررها
يارب النهارده امنيتي هتكون في العلن
انت عارف اني بحبك أوي ودايما بقرب منك
ولو بعدت في وقت فأنا امتك وبشر مش ملاك
العففو من عندك ومطلبي رضاك
وتساعدني أقوم وأناجيك بين يداك
كسرتني الهموم وقلبي مال حاله
حتى الوجع يا ربي صار بيحلاله
بقيت بحب الألم وإن طال في الوقت حاله
أنفض عني الألم يا أرحم الراحمين
أغمر قلبي بالفرحه والرضى والسعاده والخير
ونسيه الهموم والوجع
وإجعلني زي ما أنا اسامح ولا أفتكر الشر أبدا
ولو غلطت في حد يسامحني ولا يفتكرلي غير الجميل



ربي بني البشر خطائون
والتسامح صفه الاهيه
فإن أخطأت في حق احدهم أو نفسي يوما فأنا بشر
وأطمع منك في السماح فأنت رب العالمين


كل عام وأنا وانتم بخير
نانو
فوفا
سمسمه
توتي
منه
وناس كتير بقولهم كل سنه وانتو بخير وأجمل وأحلى وكل حاجه
حقيقي بتمنى كل حاجه تكون أحسن وتتصلح كمان
لان الي بيني بينكم محبش إنه يتأثر بأي حاجه
صحيح عدى علينا كتير لكن الي بينا أكبر كتير
مش عايزه أشيل جوايا منكم أبدا ولا تشيلو مني ابدا ابدا
ولو شيلت من حد فيكم فأنا النهارده مش فكراله غير الخير
مهما كان الي شوفته وشيلته وحسيت بيه
كبير أو صغير
صح أو غلط
بس بجد مش عايزه جديد
كفايه الله يخليكي يا دنيا
بكره يوم جديد في سنه جديده
ولازم يكون بكره جديد كمان
خلو بالكم من نفسكم كتير :*
وكل سنه وانتو طيبين ومعايا