مشرف صفحات مكشوفة سابقا![](http://banatmisr.com/up3/uploads/1368567356381.png)
| | احد المواقف |
كنت ببحث عن بعض الاشياء على النت ,,
بالصدفه دخلت منتدى ,,
و لقيت فى قسم بعنوان شكاوى و مشاكل الاعضاء ,,
لفت انتباهى انه قسم مفتوح للزوار ,,
يعنى مش تبع الادارة ,,
دخلت ,,
و شوفت مشاكل للعضوات بقا ,,
احد المشاكل كانت بعنوان ,,
" انا قصيرة و خايفه " ,,
استغربت من العنوان جدا ,,
دخلت بهدف انى اعرف ايه ال ممكن يخوف القصيرين !! ,,
لقيتها كاتبه انها فى عمر 17 سنة ,,
او ده ع ما اتذكر يعنى ,,
و قالت انها قصيرة و خايفه محدش يحبها ,,
و ما تتجوز ,,
طبعا الموضوع يدعو للسخريه ,,
و الضحك ,,
نزلت بقا اشوف ردود الاعضاء ال تعدت 5 صفحات !!!!
لقيت معظمها بنات ,,
ال تقولها انا بنت عمتى كانت كذا " سنتيمتر " و اتجوزت و عندها احمد دلوقتى ,,
و ال تقولها اختى قصيرة و فرحها اهو كمان كام شهر ,,
و ولد دخل يقولها ما تقلقيش ده قسمه و نصيب . انا هتجوز واحده قصيرة !! ,,
و باقى الردود ال بصراحه ما كنت شغوف انى اكملها ,,
ضحكت شوية ,,
او تقدروا تقولوا كتير ^^ ,,
بس استوقفنى سؤال ,,
ما عرفتش اجاوب عليه ,,
هو مجتمعنا ازاى وصل بنت عندها 17 سنة انها تخاف ما تتجوز ,,
لمجرد انها قصيرة !! ,,
بصراحه لقيت مليون سبب ,,
لكن ما عرفت احدد انهى سبب بالظبط كان المؤثر على البنت دى ,,
خرجت من المنتدى و نسيت انا كنت بدور على ايه ,,
حد بقا فاكر ^^
|