منذ /11-28-2012, 04:43 PM
|
#1 |
من مبدعى المنتدىمُبّدع ٱلكلمة
| تابع ولا متبوع ولا راس أفعتة - حصري -
بيقولوا خير ... خير نيته ...
طب أعرف منين ...
مخبي إيه حضرته ...
وبيحَضر لإيه ...
جمع في إيده كل السيوف ...
بلهفة وخوف ... وفزع ...
من عك فرقتة ...
ولا للتمكين ... وفرض سلطتة ...
والنية خير والخير كله في نيتة ...
واخدنا معاه لفين ...
وهو ... من أولها ... لايص ...
ملبوخ حايس ...
من حجم قدرتة ...
يقولها شمال ... ولا يمين ...
تحلف ميت يمين ...
ماهي ماشية ... إلا في زفتة ...
يوزنها تتقل عليه ...
وتميل بعزم ما فيها ...
تحرتة ...
معذور ... جديد الدور ...
ولا كبير كتير ...
ولا مجبور ...
ضاعت حكمتة ...
بين الأحبة والأطبة ...
وجملة المعازيم ...
وزعابيب شلتة ...
متعرفلوش قياس ...
حليم ولا لئيم ...
ولا موجة مظبوطة ...
ولا تعرف لجنابه كراس ...
ولامسطرة ...
ولا مئروطة ...
كله طرطشة ...
وتقطيع هدوم ... طلتة ...
والنية خير ... والقصد كريم ...
والعسل بانت قرعتة ...
والمفرومين ... تحت عجلات السنين ...
مش مكتوبين ... في أجندتة ...
كأنه مش معني ... بحال الغير ...
ولا باصص ناحيتة ...
يقع الطير ...
أو تموت ضحكتة ...
تتحرق الجتة بجاز وابور ...
قاطع سكتة ...
والهم طابور...
والشقا منصور ...
علي همته ...
بيوزع الامان ...
بعود بخور... ونذور...
بركاته وزهوته ...
مش شايف غير صبيانه ...
ومعلميه ...
بيزرعهم زي الشوك ...
في حبابي موانيه ...
ومفاصل عزبتة ...
مش عارف أنه في حلم ...
كان صعب تحلم بيه ...
دنيتة ...
مدفوع زي الدبابة ...
بيدوس معاليه ...
بيحرق زرعه بربابة ...
وبيغني عليه ...
زي ميكون ...
متقيد ... بقيد خطتة ...
تابع ...
ولا متبوع ...
ولا راس أفعتة ... فتحي عيسي
الرياض
فجر الأربعاء
28-11-2012
التعديل الأخير تم بواسطة الرحــاال المٌتَمرد ; 11-28-2012 الساعة 05:25 PM |
| |