[phalsteen]

مستحيل ده مستحيل .. لو عملت المستحيل

هو جرحى كان شوية .. ولا دمعي ودمى ميه
ولا أنا قاسيت قليل ..
بعد عمايلك أنا إشتاقلك .. متهيألك
مستحيل .. مستحيل .. لو عملت المستحيل

---

إتمنيت أسهر أيامى و أنام أحلامى بين أحضانك
وإستنيت يصحى لي ضميرك .. و يصحى عطفك و حنانك
إستنيت بحنينى و حبى .. و أملى و يأسى
كنت بحبك حب .. ما صدقتوش أنا نفسى


كنت أسمعلك دقت بابي .. قبل ما توصل عند الباب
كانت الفرحة معاك طايرة بى .. قبل سمانا ما تبقى سحاب
كنت حياتى .. عمرى .. وروحى .. خليتنى أمشى أكلم روحى

هو جرحى كان شوية .. ولا دمعي ودمى ميه
ولا أنا قاسيت قليل ..
بعد عمايلك أنا إشتاقلك .. متهيألك
مستحيل .. مستحيل .. لو عملت المستحيل


جاى تقول معلش خلاص .. وتكلمنى عن الإخلاص
وتبكى ليه وليك عين تبكى وتلومنى
لأول مرة أشوف القسوة تبكى
وتشكى منى بعد ده كله يا ظالمنى
لأول مرة أشوف الظلم يشكى

كلام سمعته كتير .. أيام ما كنت بأغير
و أغضب وتنده لي م الفرحة قلبى يطير
كنت وحيدى .. و كنت وحيدك
ضعنا إحنا الإثنين من إيدك


هو جرحى كان شوية .. ولا دمعي ودمى ميه
ولا أنا قاسيت قليل ..
بعد عمايلك أنا إشتاقلك .. متهيألك
مستحيل .. مستحيل .. لو عملت المستحيل