[دمعه حائره]

أهلا وسهلا بكل رواد قسم الابداعات وبعد غياب جولة جديدة فى مذكرات مبدع ومعانا المبدعه قيثارة الصمت قيثارة الصمت عضوية التميز كبرياء النرجس كبريائى اهلا وسهلا بيكى قيثارة نورتى البرنامج فى البدايه تحبى تشربى ايه انا عازماكى النهاردة على حاجه تطلبيها اهلا بيكى دمعه البرنامج منور بيكى وبكل الاعضاء الى هيشرفوه ولو فى مشروب بقا يبقى خليه نسكافيه اتفضلى احلا نسكافيه لاحلا قيثاره اول جولة هاتكون فى بطاقتك الشخصية يعنى اسمك منه احمد معقوله بصره سنك 25 سنه بلدك صعيد مصر محل اقامتك اسيوط الوظيفة مدرسه الحالة الاجتماعية أنسه عندك كام أخ وأخت 4 ولاد و3 بنات تانى جولة هاتكون فى بروفايلك حلو اوى التنسيق ودايما مهتميه بيه من زوقك ياقمر فعلا انا بحب دايما يكون فى لمسات جماليه فى اى شئ يخصنى سواء فى بيتى او شغلى حتى دفاتر تحضيرى لازم يكون فيها لمسه جماليه واغيرها كل فتره يعنى تجديد علشان الملل تاريخ التسجيل04-05-2012 اتعرفتى على المنتدى ازاى اتعرفت عليه بدعوه من بنت عمى هيا حاليا مبقتش تدخل لظروف جوازها وكده اسمهاANGEL,HEART ليه اخترتى النيم قيثارة الصمت انا من النوع الى مش بيتكلم كتير بفضل العمل بصمت اكتر من انى اتكلم وكمان احيانا بيكون الصمت ابلغ من الكلام والرمزيه كمان بقالك فتره ثابته عليها ياترى بتشبهك؟ صحيح نفس الصوره لنفس الطفله كنت اتمنى الاقى كتير منها بحس فيها براءه حزينه ممكن تشبهنى فى احساسها التشبيه ده اتقلى اكتر من مره برغم سنى الكبير انى طفله فيها براءه وحزن للسبب ده بحسها انا قيثارة هلى بيداقك ارسال روابط على الزوار لالا ابدا عادى بيشرفنى انى اردعلى مواضيع الاعضاء وايه ممكن يخليكى تقفلى الرسايل؟ لو اتعرضت لمدايقه من احد الاعضاء و دخوله فى امورى الشخصيه قائمة الاصدقاء24 هل تعرفيهم كلهم ولامجرد طلب صداقه مش كلهم اصدقائى فى منهم مجرد طلبات صداقه الالبوم اسمه صمتى حكايه.. ايه حكايه الصمت وهل بتفضلى العزله عم الناس؟ ايه حكايتى مع الصمت هقولك يامنه بعد وفاة والدى الله يرحمه اتغيرت حياتى من الخروج الكتير والفسح والتهريج لحالة عزله عن الناس بقيت بسكت كتير اكتر من انى اتكلم كانت اول صدمه بالنسبالى فبدأت اشغل نفسى بشغلى اكتر علشان انسى طبعا الاوسمه كلها نتيجة مسابقات قيمه وصعبه وقدرتى تثبتى الفتره اللى فاتت تميزك الكبير الحمد الله كله بفضل ربنا وبفضل بعض اصحاب اقلام راقيه هنا بالمنتدى اتعلمت منهم كتير وساعدونى كتير سواء بتوجيه او نقد تالت جوله فى مواضيعك ماشاء الله كلها مواضيع قيمه وبقلمك فى الاقسام الادبيه وقلم الاعضاء من امته بدأتى تكتبى خواطر من ابتدائى كنت بحب جدا موضوع التعبير بدات ادون مذكراتى من اولى جامعه من يومها بدأت اكتب اى حاجه احسها بدأت معايا كموضوع نثرى ثم خواطر ثم شعر ياترى فيه حد فى العيله عنده نفس الموهبه؟ اه عمى ربنا يعطيه طولت العمركان بيساعدنى زمان فى كتابة مواضيع التعبير والخواطر وبيحب يقرا كتير لشعراء العصر الجاهلى بيميل للشعر الصعب اى انواع الشعر بتحبيه اكتر؟ اى شعر احسه سواء فصحى او عامى اقراه اما كتابه بحب اكتب بالفصحى ومين من الشعراء المفضل عندك؟ نزار وفاروق جويده صلاح جاهين حافظ ابراهيم احلام مستغانمى وكتير غيرهم اول موضوع اكيد موضوع الترحيب ضيفة جديدة هل من مرحب ياترى لقيتى ترحيب كويس ايامها اه ترحيب كان مشجع بصراحه وتوقعتى انك هاتستمرى فى المنتدى بصراحه لا لكنه بمرورالوقت عجبنى وارتحت فيه ------------ الموضوع التانى كان اشتراك فى مسابقه بين صمتى وجنونى(تابع لمسابقه الاعضاء الجدد) انا شايفه انك بتحبى المسابقات وشجاعه منك بحييكى عليها انك اول ماتسجلى تشاركى فى مسابقة دخلت علطول بموضوع المسابقه لانى مكنتش هايبه او متخوفه من الكتابه ولقيت ان اسمى ممكن يتعرف اكتر من خلال مسابقه زى دى كفايه اسمى حتى وان مش فزت يكون بين نخبه كبيره من اصحاب اقلام راقيه ايه رائيك فى مستوى المسابقات اللى بتتقدم فى الاقسام وهل بتشاركى فى كل المسابقات؟ مسابقات جميله بجد بتظهر اقلام غير معروفه للنور غير التحدى فى انه كل عضو بيحاول يقدم اقوى ماعنده وده بيفيد العضووالمنتدى كمان لكن مش بشارك فى كل المسابقات --------------- الموضوع التالت تحياتى اليك ايها المغرور عاوزة اعرف ايه ظروف كتابه الخاطره دى وهل كانت موجهه لشخص معين؟ لا كانت مجرد حاله بتعايشها وبشوفها بتحصل كتير قدامى خصوصا على صفحات النت فعبرت عنها بحروف ---------- رابع موضوع من قلم الاعضاء رسالة الى رئيس مصر القادم رساله كانت شامله مطالب الشعب من الرئيس المنتظر قيثارة شايفه مصر رايحه على فين وايه رائيك فى الرئيس محمد مرسى؟ مصر هتفضل رافعه راسها وهتعدى الازمه على خير كفايه ان ربنا قال فى حقها ادخلو مصران شاء الله أمنين محمد مرسى كرئيس دوله مش سيئ لكن ممكن يكون الظروف الى مسك فيها البلد صعبه مسكها وهى مقسمه ياريت لو يقدر يجمع شملها بالعقل والفطنه مش القوه ---------------- فى صفحات مكشوفه عزف على اوتار قلبى عاوزة اعرف اهميه الصفحه لاى كاتب او عضو وهل بتشاركى فيها كل يوم؟ بالنسبالى بعتبرها كدفتر يومياتى لازم يوميا اكتب فيه بعض الاحداث الى بمر بيها ------------ اخر موضوع معانا وهوا موضوعك الفائز بالمركز الاول فى اخر مسابقه شاركتى فيها حقاَ سيعود أبى !! ( الفائز بالمركز الآول فى مسابقه المشرفين ) اكيد قصيدة رائعه وابدعتى فيها هل كانت من وحى خيالك ولاتجارب من واقع الحياه شوفتيها؟ عشتها عشت تجربه فراق الاب ربنا يرحمه وشوفتها كتير مع طلبه عندى وامهاتهم سواء فراق موت او غربه جولة فى مشاركاتك هل بيفرق معاكى الرد على موضوع عضو أو عضوة؟ لا عادى عضو او عضوه مش بتفرق معايا كلهم اخواتى هل بتقدمى نقد لصاحب الموضوع ولابتفضلى المرور بهدوء؟ لابرد من غيرنقد برد بااحساسى للموضوع نفسه احساسى بحروفه مش وصلت للخبره انى انقد موضوع لغويا او نحويا لانى ببساطه مش ناقده انا كاتبه فقط ممكن تجاملى حد فى الرد؟ بصراحه ممكن للتشجيع فى انه يستمرفى الكتاب ه لو شايفه انه ممكن يقدم احسن ممكن موضوع يلهمك بابيات شعر وتردى بيها ولابتفضلى الرد العادى؟ احيانا برد باابيات شعر واحيانا لا لان ساعات الرد ببعض ابيات الشعر بيتفهم غلط مش بيتفهم انه مجرد ردعادى لو حد انتقدك نقد جامد شويه بتتصرفى ازاى هل تردى وتناقشيه او تطالبى بحزف ردة وتشتكيه؟ عادى باخد الموضوع ببساطه اشتكيه ليه سواء نقد بناء او غيره فبتعلم منه طالما مش بيغلط فى شخصى الرد ده سأتخذ بين مجراتكَ قصرا زمردي وأُقيم في مدارات حبك نجم زهي أبحر في فضائك وفى فلك الندى وأمتطي سحب حبك البهى أجوب بين أرجاء طيفك يانقى سأبحر بك بعيداً عن نساء الكون أقيم بك طقوس هوسى وجنونى ستعترف بانى اول النساء واخرهن أتسرب من نصفي المشرق أستنزفك فكرا .. وأرحل عن الزمان .. أرحل عن مدن الارض نحو غيمات الأمنيات عمرو الجورى إحساس فى غاية الجمال أنت أشبه بفارس فى رواية يتغنى بحبيبته فما أجمل هذا الوعد لك ارق التحايات واطيبها اخى لروحك كل ود ----رد رائع بكل معنى الكلمة لاى مدى بتتأثرى بالمواضيع اللى بتردى عليها لما احسها ساعات كتير ببقى نفسى ارد رد مقابل للموضوع مع او ضد حروفه باابيات شعر لكن زى ماقولت بخاف يتفهم غلط لان فى ناس مش بتاخد الرد على الموضوع نفسه بتاخده على صاحب الموضوع الرد ده من صفحاتك بيسألونى مالك كده متغيره وإبتسامتك غامضه ومصفره زى الحروف من غير نقط متتقريش ***************** بقولهم عادى مفيش جوه قلبى وجع مابينتهيش وعيونى فضحانى مبتخبيش وكل يوم يسألونى نفس الاسئله !!! سلامتك الف سلامه من الوجع اول مره اشوفلك كلام بالعاميه ليه مش بنشوفلك خواطر عاميه؟ الله يسلمك حبيبتى لا انا ليا كام موضوع بالعاميه ان شاء الله بحاول الفتره الجايه اكتب عامى لكن مش هنزل قصائد عامى غير لما احس انها كويسه وينفع انزلها بجرب اكتب مع نفسى وفى صفحتى الاول الرد ده حبيبة قلبى رودى عارفه خروجك من المسايقه خلانى عاوزه ابذل كل جهدى علشان اقولك يارودى مش معنى انك خرجتى يبقى قسم صفحات يخرج لا معناه اننا بنمثل صفحات مكشوفه وكنت بتمنى اكون قد المسؤليه والحمد الله اتمنى اكون شرفتك وشرفت قسم صفحات والف مبروك لااختى قوة انثى واستاذ محمد وكل الفائزين من الاقسام المصوره----- زعلتى لما خرجتى فى اول مرحله من المسابقه لا ابدا لانى كنت مشتركه فى قسم تانى الابداعات وطبيعى انى اخرج من واحد فيهم وهل حسيتى بعدم التقدير او انك انظلمتى لا لان موضوع الرحال كان يستاهل الفوز بالمرحله الاولى وقلم يستحق التقدير حظه بقا او حظى انه اتسرع فى مواجهته التانيه معايا فكان سبب فوزى انا وانا دخلت تحدى مع نفسى وبفضل ربنا مصممه على الفوز والحمد الله واوصفى شعورك لما رجعتى وكمان اخدتى المركز الاول فرحانه طبعا انى قدرت اثبت وجودى وقلمى وانى اتحدى نفسى مش الى ضدى اخر جولة فى اهتماماتك داخل المنتدى ايه اكتر قسم بتحبى تشاركى فيه حاليا الابداعات وصفحات لكن ان شاء الله هحاول اشارك بقسم الخواطر وقلم الاعضاء لانهم كمان من الاقسام المفضله عندى مين من الاعضاء بتابعى مواضيعه دايما؟ كل الاعضاء وكل صاحب او صاحبة قلم راقى مين اصدقائك من داخل المنتدى؟ يمكن انا مش من النوع الاجتماعى اوى وكلمة صداقه دى كبيره مش مجرد صداقه او زماله فى صفحتى وبس بتكون كمان خارج المنتدى اول وحده اتكلم معاها وخارج المنتدى عن قرب هى جبل عالى بجد شخصيه بحبها جدا وجميله جدا فكر وقلم واخلاق ارتحتلها كتير ربنا يحميها ويديم بينا الصداقه ايه رائيك فى قسم الابداعات ؟ قسم جميل بمشرفيه واعضاءه كفايه ان المواضيع الى فيه بقلم الاعضاء عندك اقتراح ممكن تقدميه للقسم؟ ممكن يكون فيه مسابقه للردود لتنشيط القسم مش مواضيع بس مسابقة افضل رد ويكون حصرى رائيك فى مشرفين القسم وكلمة توجيهيها ليهم مشرفين بجد من انشط المشرفين الموجودين بالمنتدى منه وايمن بجد بشكركم على مجهوداتكم بالقسم وان شاء الله القسم يرقى اكثر واكثر بوجودكم وتحفيزكم الدائم لكل اعضاءه سواء الجدد او غير الجدد كلمة اخرى للاعضاء الجدد اقولهم اتحدو قلمكم انه يقدم الافضل مش كون انك مش فزت مره بمسابقه يبقى خلاص مش تكتب تانى مش مهم تثبيت موضوع المهم اكتب واثبت نفسك ايه رائيك فى البرنامج وليه قبلتى الدعوة؟ برنامج رائع كصاحبة الموضوع وسعيده جدا بالبرنامج البرنامج كان فرصه ان قيثاره تتعرف عن قرب اكتر ياريت تكتبي بيتين او اكترشعر اونثر للبرنامج فى المنتدى كتابنا ...... فرسان حق لاكذب فى كل فن ثمارنا ...... شعرا مقالا او خطب ننعم ببيت اظلنا ...... ميدان للفن لاحرب فلننشد للحق معا ..... لنكن فرسـانا للادب بشكرك على قبول الدعوة واتمنالك التوفيق والنجاح دايما تسلمى حبيبتى انا الى بشكرك كتير لاستضافتك الرائعه لقلم قيثاره البسيط الى لسه بيبتدى مشواره وبكده تنتهى جولتنا فى مذكرات قيثارة اشكركم على المتابعه وعذرا على الانقطاع الفتره اللى فاتت دمتم بود فى امان الله