[طمطم]

يوم شاق بكل معنى الكلمة ..

3 دروس " فيزيا / عربى / رياضة "
+
منمتش
..
مش حاسة بدماغى ..


اخر مرة هفكر تانى قبل م انام ,,

...

ما علينا .,, مهو الواحد مبيتعلمش ببلاش ,,

عارفين ,, رغم كل التعب اللى فيا ..

الا انى مبسوطة اوى من موقف حصلى النهاردة ..

كان حصل سوء تفاهم بينى وبين ناس معرفهمش غير من فترة قريبة ,,

وبعدين اخدت موقف وبقيت ف حالى .. وكلامنا مع بعض كان للضرورة ,,

اتفاجأت النهاردة انهم جايين يعتذروا منى ,,

المفاجأة مش كانت ف الاعتذار ..

المفاجأة كانت ف انى قدرت اسامح !

اه .. كنت مفتقدة شعور السماح ده من زمان ,,

مكتش قادرة اسامح حد غلط فيا لاى سبب ..

وده كان رد فعل طبيعى للى شوفته قبل كده ,,

انما النهاردة لقيتنى بسهولة ومن غير تفكير بقولهم ,,

" الموضوع مش مستاهل وانا مش زعلانة منكوا "

بجد .. احلى تانى احساس حسيته ف الدنيا
" ومش هقولكوا ايه اول احساس ^^ "

لما عملت حلقة همسات مع رودى ,,
والاعضاء قالولى انى لازم اسامح

ساعتها قولت ان الكلام سهل .. انما الفعل صعب ,,

لكن النهاردة .. كان الفعل سهل يمكن اسهل من الكلام مليون مرة ,,

لما بتحس انك بجد مسامح الناس كلها
اللى غلط ف حقك واللى قال عنك كلام وحش واللى كان بيعاملك بقسوة ..
وناااس كتير .. يمكن مش بشوفهم من سنين ,,
..


انما بجد بقولها ومن قلبى
" انا مسامحآآآهم "