[لمسة حزن]

السلام عليكم ورحمة الله وبركاته




أجمــــــــــل غزوه درستها في حياتي


غــــــــــزوه أُحـــــــــــــــــد


أكبــــــــــــــــر مدرسه تربويه اتعلمت منها بجد كلها درر



أكبـــــــر غزوه عشت معاها وكأني متخيله لكل صحابي شكله وسامعه صوته



أد إيه الغزوه دي عظيمه أوي وكلها عــــــــزه .........




فعلا أجمل أيام حياتي أيام دراستي لغزوه أُحـــــــــد




اتعلمت منها درس غالي أوووووووووووووووي


درس اقف مكانك واوعى تتحرك منه أبدااااااااااااااااا !!

مش كده وبس لالالالا واتعلمت درس

اوعي تفتكر انك كبير على انك تقـــــــــــع !!

-------------------------------------------

لما الرسول يجعل على جبل أحد 50 رامي ويجعل قائدهم
عبد الله بن جبير
لكي يحموا ظهور المسلمين ويوصيه رسول الله بأبي هو وأمي ويقوله


لا نُؤتينّ من قبلـك
"خليها عنوانك"
----------------------------------


عارف يعني ايه يعني انت على ثغر وأنا على ثغر مجرد تحركك من مكانك وانشغالك انكشاف لثغرك

يعني اقف مكانك ما تتحركش ولا تنشغلش بما ليس له أهميه ومالا ينبني عليه عمل .....

يعني اللي بيحصل في سوريا وفلسطين ده منك انت

يعني الإسلام يؤتى من قبلك طول ما انت مقصر في دينك وعباداتك وايمانياتك

هو أنا إيه يعني بالنسبه لعدد المسلمين ؟؟

هرد وأقولك طيب هما الخمسين رامي كام يعني بالنسبه لعدد المجاهدين في الغزوه ......


الموضوع مش بالعدد الموضوع بإنك ما تستقلش ثغرك لأن الهزيمه ممكن تيجي من ناحيتك انت ......



وتحصل القصه المشهوره ويكونوا سبب في هزيمه المسلمين في أُحد

طول عمرنا عارفين القصه دي


--------------------------------------
لكن الجديد فعلا والذي أفزعني ..

عندما علمت أن أغلب الرماه دول

من المهاجريــــــــــن

لسه مش وصل حاجه ؟؟


عارف يعني ايه مهاجرين ؟؟

يعني ناس اتبهدلت علشان دين الله ناس اتعذبت ناس النار اللي كانوا بيتحرقوا بيها كانت لا تطفأ إلا بشحومهم
ناس تركت ديارها وأموالها لله ولدينه

عارف يعني إيه مهاجرين؟؟
يعني الناس اللي اتأذت لدين الله هي نفسها الناس اللي تسببت في الهزيمه


عارف يعني ايه مهاجرين؟؟
يعني دول اللي ربنا قال عنهم وينزل فيهم في أحداث الغزوه "منكم من يريد الدنيا"




دنيـــــــــــــا ؟؟؟ دول شويه غنائم يارب دنيا ازاي ؟؟؟

آه ماهي مش لازم الدنيا اللي تستعبد قلبك تكون شيءغالي ولا له قيمه ممكن يكون شيء زهيد جداااااا لك هوى فيه ويستعبد قلبك هي الغنائم يعني اللي المهاجرين لما شفوها نزلوا من على الجبل علشان يأخذوها دي كانت ايه كان شيء زهيد جدااااا

ولكــــــــــــــن ربنا قال عليها دنيا



اوعى تفتكر علشان قلبك متعلق بشي صغير تقول دي حاجه صغيره لالالالالالالالا أبــــــــــــداََ



يعنــــي إيه مهاجرين؟؟

يعني اوعى أبدا تفتكر علشان بتقيم الليل بكام جزء ولا بتقرأ في اليوم كام جزء ولا بتتصدق في الشهر بكذا ولا ورعك وتقواك بيوصلك لكذا
انك مش ممكن تــــــقع

أو إنك كبير على الفتنه مثلاََ

أو لما تشوف حد وقع في معصيه تتكبر في نفسك وتتكلم بغرور

كلمه الحمد لله الذي عافانا تتقال بانكسار لله

ويقولهم عبد الله بن جبير

" أنسيتم ما قال رسول الله"

" لا تخونوا الله وتخونوا نبيكم "
خليها عنوانك
آه دي خيانه لله وللرسول لما تقصر في دينك وتغير في تعاليم دينك ونبيك

مخالفه أمر واحد بس من أوامر النبي اتهزموا فيه فمابالك بحالنا!!!! حالنا كــــــرب!!

خيانه لما تسيب ثغرك وتسيب دعوتك

خيانه عظمى تستحق عليها العقااااااااااااااب


========================
مهما كبرت وعليت فإنت مش كبير على الفتنه كان درس غالي اتعلمته من الغزوه بجد .........

لن أنسى دموع أخت من الأخوات جلست تحكي لي مشكلتها وكانت فتنه عظيمه وقعت فيها وهي تقول لي ....

محدش كبير على الفتنه أنا عرفت إني ولا شيء
وقالت لي كلام كان معناه إنها ما وقعت في الفتن إلا لما استشرفت ليها .............وفتحت بابها .......

الأخت دي قسماََ بالله أنا ظللت أيام متواصله أبكي لا أصدق ان دي بالذات تقع في فتنه من همتها في الدين والدعوه والعلم

ومازالت كلمتها ترن في أذني وهي تبكي وتقول


"أكيد ما كنتش من المخلصين"


وتكمل وتقول

"أنا اللي كنت بستكبر لما بشوف حد في فتنه زي اللي وقعت فيها وانا اهو وقعت فيها"

فاحذروا أن تفتحوا باب فتن مهما كنت تظن نفسك على قدر من الدين فنحن والله لا شيء

اللهــــــــــــــم إنـــــــي أسألك الثبات في الأمـــــر

اللهــــــــم يا مقلب القلوب والأبصار ثبت قلبي على دينك

ده مين اللي كان بيقول ده ؟؟؟

إنــــــه رســـــــــــــول الله

فكيف يكون حالك .......

الانكساااااااااااااار ثم الانكسار ثم الانكسار

لما تشوف حد على معصيه انكسر لله واحمده أن عافاك منها اوعى قول ازاي يقع فيها انت مش كبير على انك تقع فيها ...

صحيح في حميه وغضب لله لكن جملهما بالأدب والانكسار

اللهـــــــــم لا تفتنا في ديننا