[Little princess]

بت يا كراميلا
ايه الحلاوة دى يا بت

بجد ابدعتى فى الموضوع ده بالذات
من اول عنوان الموضوع لحد اخره

بصراحة انتى اتكلمتى فى موضوع كنت مستنية حد يتكلم فيه
لان من اول ما القسم ده اتفتح وانا ..... مش هتصدقي..... متغااااظة

متغاظة ؟؟!! ايوه

كل يوم والتانى الاقى حد من السادة الاعضاء فتح موضوع طويل عريض وعمال يتكلم ويناقش الناس
ويرد بالخمسين سطر مش بحسد والله انا بنق بس :242:

والله حاولت اكتر من مرة انى اكتب موضوع بنفسي
ولو ربنا فتحها عليا وجاتلى الشجاعه انى اتكلم
اقول بسم الله الرحمن الرحيم .. ابسطها يا باسط

وبعدين !!
دماغى صحرا مش عارفة اتكلم عن ايه .. ولو لقيت موضوع هل هعرف اوصله للى هيقراه
وهيعجبه ولا لأ .. وهلاقى حد يرد علي ولا نو

فى سبب كمان انى انطوائية شوية :blushing:
من النوع اللى مبيحبش يدخل فى نقاش مع حد تانى
خصوصا لو الحد ده معرفتي بيه سطحية
وده السبب اللى خلا مشاركاتى فى قسم النقاش تكاد تكون معدومة
عشان كده الايام دى بالذات نشاطي ملحوظ فى قسم التصميم والجرافيكس
يمكن ده القسم اللى بلاقى راحتي فيه
بس للأسف مش كل الاعضاء لهم ميول فى التصميم
ويمكن بعض الاعضاء اشتكوا بقله الردود فى القسم ..

المهم
شجعتينى وفتحتى نفسي للكلام
وهحاول ان شاء الله انى افك عقدة الكلام دى
بأنى ازود نشاطي فى قسم النقاش
بس متهيألي فى الوقت الحالى مش هينفع بسبب الامتحانات
والنقاش محتاج دماغ رايقة عشان تناقش

مرسي اوى يا حبيبتى على الموضوع
ربنا يخليلك دماغك العبقرية دى :vb36:

ودي واحترامي