[ابتسامة الزهر]

كنت فى رحلة ريفية جلست وتأملت الريف وخضرته وسرح خيالى بعيد وتخيلت ريف زمان فكانت تلك الكلمات يارب تعجبكم .................................................. .... هاتى يابت الطبلية خلينا نرجع زى زمان بلاها سفرة بلاها كرسى هى شلته وطبلية وبس وحتة جبنه من لبن مخضوض ورغيف عيش مرحرح مخبوز طازه من الفرن ياعينى عليه من قمح مصرى مطحون بأيديه طعمه ياناس متقولش عليه وعود جرجير ورور اخضر طالع ما الارض بيتمخطر وصحة وعافية وقلب حديد وأوعى تنسى القله كمان أوم ميه ساقعة تروى العطشان لا تقول تلاجة ولا ميه فى أزازه الله عليها راحة البال مع لمه حلوه ولقمه هنية الضحكة كانت م القلب صافيه والقلب مرتاح مش مهموم اصل دى نعمة من الرحمن دلوقتى قالو آل مدنية فراخ ولحمة وخير كتير لكن هموم وبال مشغول وقلب بيرسم الضحكات وصحة أنعدمت من الأمراض طعم مافيش بركة مافيش ورغيف العيش المسكين بئا فى حجم النص ريال وتسأل عامل كده ليه يقولك اصله عامل رجيم سرقة ونهب وحرمية خربوا البلد شوية شوية وبئينا ياعينى على الحديده ولسه ولسه ياما حنشوف نسوا الجبنه ونسوا العيش وبيدَوروا على حتة تورته تورتة ايه وجاتوه ايه والبال مش رايق مهموم ضرب ورقع وصوت عالى ياريت ترجع الطبلية وقاعدة ولمه ساعة عصرية تهَدى البال وتروق دمك كل ده ياخسار راح وقال ايه بيقولوا مدنية