[Mo chahin]

قلبت عليا المواجع يا عبده والله .. روح ياشيخ ومتجيش ,,

بص يا سيدي ..

مشكلتى مع سيد دى كانت مشكله عبيطه بعض الشىء ,,

الموضوع هقوله على بعضه عشان محدش يسألنى فيه تانى ,,

فا هتكلم فيه مرة واحده ..

اتعرفت ع سيد دندنه واصبحنا زى اصحاب .. وروحتله كام مرة شبرا ,,

وقعدنا على القهوة وبقى فى عيش وملح ما بنا ,,

يا راجل دانا اول مرة اكل فول وطعميه كانت معاه هههه

المهم ..

حصل موقف معين وانا مروح من عنده فى شبرا ,,

وفوجئت انى معيش المحفظه بتاعتى .. كنت نسيتها ,,

فا اتصلت بيه يجيني ع القهوة اللى بنقعد عليها ,,

المهم قعدنا شويه وقلتله انا عايز منك عشرين جنيه لان الموضوع واحد اتنين تلاته ,,

الراجل الله يكرمه .. ادانى الفلوس ,,

عدى يوم واتنين .. والتالت روحتله شبرا مخصوص مع العلم ان انا ساكن فى الحلميه ,,

روحت مخصوص عشان اديه حقه وميكونش عليا دين لحد ,,

وقعدنا ع القهوة كالمعتاد وضحكنا وهزرنا واتكلمنا كتير ,,

فا بطبعى لما بتقرب من حد بعرف عنه ولو شويه ,,

سألته سؤال بريء .. انت على علاقه بحد من بنات المنتدى ؟

قالى أيوة .. قلتله مين .. قالى ( ...... ) .. اسمها الحقيقي شجون ع فكرة ,,

قلتله يابنى مش دى اسمها شجون ؟ .. قالى ايوة انت تعرفها ؟

قلتله اي اللى اعرفها .. دا محدش ميعرفهاش .. مش دا رقم تليفونها ؟

قالى ايوة .. قلتله ودى رسايلها ..

قالى لا انت بتكدب عليا وبتوقع ما بنا وانت كذا وكذا وكذا ,,

انا اتخنقت من كلامه جدا .. وسيبته ومشيت .. ونسيت اديه فلوسه ,,

يدوب .. روحت البيت .. فوجئت بقى انه قال عليا نصاب وواخد منه عشرين جنيه ,,

على حساب الفول والطعميه اياهم .. على حساب قعدتين تلاته ع القهوة ,,

يبقى المجموع هنا .. تقريبا خمسين جنيه ,,

شوفت بقى ؟