[الأميرة رودي]

كل ماأفتكر أيام طفولتى معاها أحس بحنين غريب ياخدنى لسنين بعيــده هى فعلا أجمل سنين عمـــــــــــرى كنــا مصيبه بمعني الكلمه ذكرياتي فى الايام دي تودى فى داهيه كنت دايما أسمع من مامتى كلمه ( ياأروبه انتى وهيا ) وسبحان الله كنا نسمع نفس الكلمه من مامتها كنا صغيرين اوي والمفروض اننا مانفهمش معنى الكلمه لكن من كتر ماسمعناها وبقينا نربط بيينها وبين الموقف اللى حصل والوقت اللى بتتقالنا فيها فهمنا معناها ( اللؤم والخبث اللى كنا بنعمله ) كان يشل اى حد يقرب مننا . كنا بنعمل بلآوى والله .. مجانين مجانين يعني . فى فتره الثانويه بقا كنا نصحى من النوم نروح المدرسه سوا وبعدين نروح دروسنا طبعا لحد المغرب يادوب نروح البيت نمسك التليفون وهاتك يارغى طول الليل عشان نناقش احداث النهار وننم بقا فى سيره صحابنا كبرنا سوا وفهمنا الدنيا ومرينا بفتره الدراسه من أول ابتدائي لما خلصنا الجامعه ســواا وبرغم ماكل واحده فينا كانت فى كليه لكننا كنا نتقابل يومياتى واحيانا كانت واحده فينا تزوغ من كليتها وتروح تقضى اليوم مع التانيه فى كليتها وحتى بعد ماخلصنا دراستنا مكنش يعدي يوم الا مااشوفها وتشوفنى كنا نحس بملل فظيييييييع وناقصنا حاجه مهمه لو ماتقبلناش يوم كنت اعرف صديقات كتير على فترات مختلفه وفى مراحل الدراسه لكن كانت بتفضل دايما هى الاساس ورقم ( 1 ) عندي وسبحان الله ربنا جمع بينا من صغرنا واحنا اطفال سن 5 سنين دراسه والاغرب اننا مواليد واحده تاريخ ميلادى هو تاريخ ميلادها بالظبط كانواصحابنا بيحتفلو بعيد ميلآدنــا فى نفس اليوم وكنا يوم عيد ميلادنا الصبح كل واحده فينا تفاجئ التانيه بحاجه مش متووقعه .. تقريبا افكارنا كانت واحده حتى لو فيها جنون ماقدرش ابدا استغني عنها حقيقي هى اقرب الناس ليا . اقربلى من اقرب الناس وقت مابتكلمتى أحس بدفا واحتــواء أكتر من اختى بتحس بيا من صوتى لو مخنوقه او تعبانه وحتى لو فكرت اسكت ماتكلمش عشان ماتكشفنيش الاقيها بتكشفني من انفاسي.. اللى زى دي ماتتعوضش وعمرى ما الاقي قلب بطيبه قلبها أجمــل هديه وهبها الله لى هيا حبيبتى ورفيقه العمـر ( منى ) مهما أختلفنا او مرينا بـ أزمات بنرجع ومش بنلاقي نفسنا الا عند بعض .. عمرنا مادينا فرصه لخلافتنا تفرقنا بحبـك ياميمونه .ربنا مايحرمنى منهــا..ويكتبلها سعاده الدنيـا ياااارب أما البت يوكـــا بقا دي قصه لوحدها تقريبا نفس طقوس الجنون بتفكرنى بيه اليومين دول بس مش ناقصنى الا انى اشوفها اختى الصغيــــــره وحبيبتي أيوش بحبها اووووى لآبعد الحدود انسانه تستاهل الحب بجد وقليل فعلا اللى زيها .. عندها براءه ماحصلتش ربنا يسعدها ويفرحها ويحققلها كل اللى بتتمناه من الدنيا