عايز تعرف لية وعلى شان أية طـايب ومالة لما تحب هو حد غصبك أو قلك متحبش ,على شان تزعل نفسك وتقول أنا مليش أحباء ’’ وحبايبى بيبعدو عنى
طيب أنت سألت نفسك سؤال العيب والغلط فين ’’
قبل ما تصدر حكمك عليهم ,,
يعنى هو لازم تحب واحدة او تحبى واحد ونحصر نفسنا فى زاوية الحب دى بين طرفين بس ’’
واحد وواحدة وخلاص لغينا مفهوم الحب من جميع جوانبة ,,
تعرض لحالة حب وفشلت ’
خضت تجربة عمل وفشلت ,,
حكمت على حاجة وحكمك كان غلط ,
كنت عايز تعمل حاجة وربنا ما أراد
يبقى لية النظرة الكئيبة للحياة وأيهام نفسك أن كل شىء خلاص والحياة بعد ما كنت مصورها بمبى
قلبت كحلى ومغيمة زى النجوم فى السما’’
متقفشى على حالة واحدة الحياة ماشية مش حتقف المهم انك تستفيد من تجاربك
وقبل ما تفكر تحب يبقى اعرف الأول معنى كلمة الحب ودرسها كويس
على شان تعرف تمشى بية وأزاى بيكون ,
أزاى بيكون الأحساس ,
وأزاى بيكون التعامل وكيفية العطاء طالما الأحساس نابع من جواك ومقتنع بية صدقنى حيعيش ,,
ومش حيكون حالة ومرت بيها
المهم انك تخلى عندك يقين بربك
وفى حكمتة مع بعض الصبر والغزيمة حتوصل لمرادك الى بتسعى لية
وحتحس بالرضا عن نفسك فى حياتك
|