مساء معطر برائحه الذكريات
احساس على قد ماهو جميل على قد ما بيوجع
انك ترجع للمكان اللى اتولدت وكبرت فيه
ممكن تلاقى المكان اتغير شويه بس الوشوش لسه
بتحس بدوامه احاسيس حزن وفرح وسعاده وشقاوه وتفتكر ذكريات اول حب
بتحس بحنين يوجع القلب على ايام مش ممكن ترجع تانى
ايام كانت فيها دفا وبراءه وشقاوه ايام كانت اكبر همومك فيها
مدرستك واستاذك الرخم اللى مطلع عينيك ^_^
انهارده حسيت انى ممكن اتنازل عن نص عمرى فى سيبل يوم واحد بس من الايام دى
كانت عينى رايحه جايه بتدور على عيون كنت اول لما اشوفه واكنها سهام بتدخل قلبى
كانت بتدور على صحبتى اللى ياما عملنا كوارث سوا بس ياترا لو شافتنى هتفتكرنى
مهما عشت عمرى ماهنسى الذكريات دى وهفضل كل مره افتكرها اضحك وابكى فرح وحزن ووجع