يا ورده البساتين يا ورده البساتين قطفوكى .. سرقوا بهجتك خطفوكى
يا فرحه الميادين سحلوكى .. هلهلوا توبك فضحوكى
والاسم قال بيحبوكى .. هونتى عليهم مرمطوكى
سرقوا فرحتك غصبوكى .. ع الغُرب زفوكى
صعبان عليا دمعتك .. اللى جرحت فى خدودك
حيفضل نور شمعتك .. ولا يدب فى يوم عودك
طول عمرك وانتى ابيه .. قويه اثبتى وجودك
يسرقوكى يخدعوكى مش ممكن ح يكسروكى
قومى وارمى مجدافك .. وافردى فى الهوا شراعك
انسى كل الجراح وانسى كل اوجاعك
وانسى كل اللى خانك واللى فى يوم باعك
هما ليهم حد غيرك ؟ .. ياللى بالصبر وصفوكى
دانتى نسمه مبتسمه .. بضحكه بتنفضى همومك
وان ملتى يوم .. بتقومى تنفضى هدومك
بحلوها بمرها عايشاها .. راضيه بتعدى يومك
قومى واتعكزى .. مش ح يقدروا يوقعوكى
|