هانسى
الكلمه دى كانت بتتقالى كتير
وكأن الوجع الجوايا هايختفى ببساطه اول ما هانسى الحاصلى
الوقت هايعدى ووجعى هايداوى ومحدش كان عارف القصه كلها
كنت بمشى وسط الزحمه علشان اغيب عن الوعى ومحدش يدور عليه
الضجيج الجوايا كان عامل ذى البركان العاوز ينفجر
اتخيل احساس واحده شافت حبيبها بيموت قدام عينها
وعارفه مين القتله بس خايفه تكلم
مش خايفه على نفسى خايفه على كل البحبهم اشوف مشهد موت حبيبى بيتكرر معاهم
غمضت عينى وانا بتخيل شاكله وهو بيضحك قبل ما تخبطه العربيه
افتكرت منظره وهو بيقولى خدى بالك من نفسك
وكان عاوز يقولى بحبك بس روحه طلعت قبل ما يقولها
في حد ينسى حب عمره
في حد ينسى حبيبه
انسى ازاى وانا عارفه انها مش حادثه قضاء وقدر
انسى ازاى وانا بعدى على القتلوه كل يوم ومينفعش افتح بقى
خلاص مبقتش عاوزه انسى
انا عاوزه اتكلم
انا مش هاسكت
انا هاكلم
مينفعش اخاف منهم
انا هاصرخ واقول على كل حاجه
جايز صراخى يصحى اوجاع ناس تانيه قررت انها تسكت