طبعا مش هقول منور والكلام ده لانه مكانك فى الاول
وموضوع مهم مقلناش حاجة وفعلا كلامك كله صح وتساؤلاتك تمام التمام
عن تجربة شخصية جدا وعن قصص شفتها أدامي أقدراقولك
حكاية السفر وحلم السفر وآثاره الجانبية مكنتش بالصورة المستفزة اللي بقينا
بنشوفها ونعيشها الأيام دي ياماتركس فعلا
الحلم زمان كان هو المفتاح السحري لحل المشكلة الاقتصادية لأي شاب
كنا نشوفهم يخرجوا ويسافروا زي مابيقولوا يعملوا القرشينات ويرجعوا
يبوسوا ايديهم وش وضهر ويبدأوا حياتهم بسم الله وتكون فترة وتعدي
تدريجيا بئا ايه اللى حصل ؟؟
تدريجياً أصبحت العملية زي الفخ .... اللي بيقع فيه مبيعرفش يخرج ليه ؟
يقولك اول سنة بدفع الديون اللي عليا ( مهو دفع دم قلبه عشان يسافر )
اللي بعدها يقولك يادوب تقديمة لشقة مثلا .... مجرد تقديمة
اللي بعدها .. يخربيت الاسعار والنار ده اللى حيلتي لو رجعت ميوكلنيش عيش حاف
وهكذا .... وهكذا ..... وسنة ورا سنة ومشكلة ورا مشكلة
لغاية مايلاقي نفسه زي المربوط بساقية بيلف حوالين نفسه لا عارف يفك العصابة
اللي على عينه ولا عارف يفك من الحبل اللي رابطه .....
كلامي بينطبق على المتجوز وعلى غيره ....
اما كلامك عن الآثار الجانبية فصدقني ساعة الحلم مايسيطر مافي حد بيشوف
من الخنقة ومن الظروف ...
على الجانب الآخر ...بنلاقي الحمدلله اللي بيقدر يسيطر
واللي بجد بيشتري ولاده وبيته ونفسه كمان ... أينعم بيرجع ساعات
يقعد مع نفسه ويقول لو كنت كملت كمان كام سنة .... لكن بيرجع لنفسه تاني
والحمدلله أصبح دلوقت كتير من الناس بتحسبها كذا مرة قبل ماتاخد القرار
وزي مافي ناس بتفكر في برضو ناس بترمي نفسها للتهلكة ..... عادي يعني
في كده وفي كده ..... وربنا يخلي لنا اللي بيخلينا نرمي نفسنا في النار
ويبهدلنا بالشكل ده .............................. نوووووورت ويارب اكون وفقت
تحيتي وتقديري
التعديل الأخير تم بواسطة جبل عالي ; 04-08-2013 الساعة 11:14 AM |