بسم الله الرحمن الرحيم
اهلا بيكم
وحلقه جديدة من
اجمد عضو
الحلقه النهاردة مهمه جدا ضيفى النهاردة
اختفى فترة والفترة الى غابها الاعضاء حكت عليه فى الاستبيان الاخير
انه غير قادر على ( المراقب العام ) صحيح رجع بقاله كام يوم
ولكن ( بيقال انه استقال ) ودا اكدة فعلا انه طلب تخليه عن المنصب
عموما هنعرف النهاردة كل حاجا من خلال الحوار مع :
ماتركس
تعالو نشوف الضيف قال ايه :
س / اهلا بيك ماتريسكو ^^ ؟ منور ؟
اهلا بيك يا ابوحميد انا بخير ياريس والنور نورك ياريس
تصدق بالله انتا جيت في وقتك
س / راجع يعنى بمشاكل خير ؟
والا مشاكل والا حاجه يا عم هوه اللي يعمل اللي يرضيه عليه ضميري
ويقف معا المظلوم يبقي مشكلجي لكن لو انافق والعب علي الونجين
يبقي طيب ومش مشكلجي علفكره انا مش فاضي للمشاكل هيه
الناس اللي بتعمل مشاكل وتيجي تقوال ماتركس كبر دماغك
وجودي معاك بالدنيا كلها
س / هبدء معاك من اقتراحك بخصوص الادارى المنتخب ؟ مش شايف ان اقتراحك مفيهوش تكافىء للجميع ؟
انا كل اللي اقترحتو انو عايز الاعضاء اللي باللون العادي ياخدو فرصتهم
ويجربو المكان اللي الكل بيجربو وهوه الاداري المنتخب
اصلا خلينا واقعين استحاله عضو باللون الاصفر او الاخضر
هياخد الاداري المنتخب اللي هياخدو المقعد اغلبيته المشرفين بخلاف
نشاطهم بمعارفهم الشخصيه لسبب عارف يا احمد احطلك مقارنه
يعني ممكن اجبلك عضو
بيعمل اكتر من 120 مشاركه في اليوم واسمه عضو عادي وهات
مشرف بيعمل 15 مشاركه في اليوم ورشحتهم قصاد بعض
اكيد هيفوز المشرف صح والا غلط يبقي ده الاعضاء بتحكم
بالمعارف مش بالنشاط فانا فكرت في الفكره دي قوالنا نجرب
مره مش هنخسر حاجه واهوه نجرب الاعضاء اللي مش وخدين
فرصتهم اصلا في مشرفين بتقلل من قدرات الاعضاء وبيقوالو اصلا
دووال هيبوظو الدنيا ومعرفش ايه علي اساس انو المشرف اتولد مشرف
ودنيه ايه اللي هيبوظها العضو لو مسك اداري منتخب أي عضو
او مشرف لو مسك الاداري المنتخب لازم الاداره هيه اللي تعلمه
يستخدم الصلحيات يبقي ازاي هيبوظ الدنيا بس انا بصراحه اكتشفت
انو في مشرفين مش عايزين اعضاء يفوزو بالكرسي وبيقلوو
من قدراتهم وده زعلني جداا
س / بس المقارنه دى مش فى محلها لان طبيعى ان مشرف بقاله سنين واجتهد ماينفعش اقارنه بعضو لسه جديد ودا طبيعى ان المشرف يكون ليه جماهيريه ؟
ما انا قوالتلك الموضوع مش مربوط بالجماهريه مربوط بالصدقات
مش اكتر ما ممكن برضو رشح مشرف جديد معا عضو قديم
برضوه المشرف هينجح 
س / انتا عامل الوثيقه دى عشان مبقتش من الطاقم الادارى ؟
لا بالعكس انا مبفكرش في الاداري المنتخب في الوقت الحالي نهائي
ممكن مستقبلا وانا لو حبيت ادخل في سباق الاداري المنتخب مش هدخل
دلوئتي هدخل لما ارجع ماتركس زي زمان واكون ضامن نسبه الفوز
فوق ال70 % وده قريب هيحصل باذن الله بس مش الجوله دي
س / يعنى مش شايف ان خلاص صعب انك تحصل على الادارى المنتخب ؟ فعشان كدا فكرت فى الاقتراح دا ؟
ما انا قوالت مش بفكر اني ارشح نفسي حاليا خالص الا لما اثبت
وجودي الاول وبعد كده اترشح لما احس اني رجعت زي الاول
س / فين شعبيه ماتركس ؟ مش زعلان على الى وصلتله دلوقتى ؟
شعبيه ماتركس اختفت لسببين اول سبب معا انشغالي بشغلي
ثانيا اغلبيه اعضائنا اللي كانو بيحبونا اختفو هما كمان
مش زعلان اللي وصلت ليه عارف ليه كان لازم اختفي
لسبب انا انشغلت في شغلي يا احمد انا في غربه لو مشفتش مصلحتي
هرجع مصر ايد وراء وايد قدام انا مش جاي الغربه علشان اقضيها
نت انا بحب المنتدي وليه معزه في قلبي بس ساعات الواحد بتعدي
عليه ايام ويضغط غصب عننا وانا خليني صريح شغلي اهم من المنتدي
المنتدي قاعد كل ما ارجع هلقيه بس شغلنا بتيجي فرصه
لو منتهزتش الفرصه مش بتتعوض تاني
س / رسوبك فى الاستبيان مش شايف انه كان سليم وانك فعلا مراقب مش متواجد اصلا ؟ عارف انا مش هقول اني الاعضاء ظلمونا لا الاعضاء مظلومنيش انا الفتره اللي فاتت كنت مختفي ال5 شهور اللي فاتو وشرحت ليك الاسباب والاعضاء حكمت علي الوقت الحالي لماتركس محكمتش ماتركس عمل ايه في المنتدي بس علفكره عارف لو النظام ده كان ماشي زمان كان اغلبيه الاعضاء اللي نجحو المراتي كانو رسبو واحنا كنا وصلنا لااداره ويمكن كل الاعضاء اللي كانو موجودين زمان كان شايفين نشاطنا عامل س / بس احنا مش هنعمل الاستبيان عشان نقول للاعضاء احكمو على المراقبين بنشاطهم السابق ؟ طيب وانا قوالتلك ايه لما قوالتلي انك تستحق الرسوب والا لا قوالتلك الاعضاء حكمت عليا في غيابي ما انا قوالتلك انا غبت الفتره اللي فاتت واستحق الرسوب وانا قصدي في كلامي انو الاستبيان مجاش في وقته بالنسبه ليا معا اني مستوايا زي مستوي ناس كتير في المنتدي بس سبحان الله هما نجحو وانا لا
س / متاكد ان مش همك رسوبك فى الاستبيان وتجريدك من الرقابه وماتقوليش مش فارق معايا ؟
اولا انا طلبت من طارق اني ارجع للون الاصفر معا اني لما اتكلمت
معا طارق لو كنت عايز افضل مراقب كنت هفضل طارق سئلني سؤال
لما كلمتو قالي يا عم انتا خلاص لو هتشتغل يا عم خلاص هنسيبك
انا رديت عليه وقوالت ليه لو سبتني مراقب مش هشتغل لو رجعتني
عضو انا هشتغل عارف انا مشيت لسببين اول سبب ممكن طارق
كان هيتحرج انو يشلني من الرقابه مفيش غير اتنين راسبين من المراقبين
انو محمد علاء محمد الراجل كتر خيره في الجيش وانا موجود فاغلبيه الناس
لو طارق مطبقش القانون الاستبيان زي ما وعد الكل الكل هيقول
اشمعني ماتركس والكلام اللي ملوش أي لازمي تاني حاجه زعلتني
مووضوع الكنترول وردود المشرفين والمراقبين لما الاخ ياسر رد
في الموضوع لقيت اللي خلاني اطلب انزل عضو لقيت في اعضاء زي
ما يكون يكرهونا هما مش اعضاء هما مشرفين ومراقبين كمان
يعني لقيت تعليقات في موضوع الكنترول ناس بتقوال اللي سقطو
يستاهلو يتشالو من زمان ومال بيرمو كلام من تحت لتحت
ملهوش غير معني واحد انهم بيكرهونا وانا مبحبش اكون في مكان
غير مرغوب فيا او مكروه من اشخاص تانين قوالت اسيب ليهم الليله
كلها علشان يشبعو بس بالمناصب يمكن يزيد مرتبهم والا حاجه
بس عارف يا ابوحميد انا قرارت اني اتحدي نفسي وافضل
في المنتدي باللون الاصفر ونشوف مين اللي هيستمر فينا في المنتدي
ومين هيكمل لااخر والايام بينا ياريس
عارف اني زعلت من الاداره في حاجه عارف ايه هيه انو خلت الاعضاء
الجدد تحكم علي الناس اللي كانت شايله المنتدي شيل انا مش بقوال
كده علشان عايز ارجع مراقب وراس امي اللي عمري ما احلف بيها
كدب اني مش زعلان اني سبت الرقابه والا في بالي ارجع ليها تاني
بس انا زعلت علشان الاسباب اللي قوالتها بس وانا عمري
ما تفرق معايا ياريس
س / انتا هنا بتكدب طارق لانه قال الى مش هينجح فى الاستبيان هيتشال حتى لو هو مين ؟ فأ ازاى قالك لو هتشتغل هسيبك ؟ انا مش بكدب طارق طارق اتعاطف معايا بسبب لما لقيني زعلان من موضوع الكنترول ويمكن تشوف ردي فوق وضحت انا اصريت اني اتشال علشان مصغرش طارق قدام الاعضاء واخلي كلمه وحده للكل ولازم القوانين تتنفذ علي الكل وهوه ده اللي حصل القوانين لازم تمشي علي الكل س / بس لو فى اعضاء قالت ان المراقبين يتشالو انتا عارف يعنى ايه مراقب يختفى حوالى 5 شهور ؟ طيب ما تيجي نرجع لوراء شويه ونشوف قد ايه اداريين اختفو بالسنين ومراقبين برضو اختفو بالشهور ومشرفين اختفو بالشهور واتشالو لما اتغيبو غياب دائم اشمعنا بقي لما ماتركس اختفي فتره معا اني كنت بدخل تخطيف الكل شاف ماتركس انو غاب وعلق علي غيابه اومال زمان محدش كان بيعلقو ليه 
س / ليه الفترة الاخيرة لقيناك داخل فى مشاكل بعد غياب ليك ؟ كنت عايز تقول انك رجعت فبتعمل كدا والا ايه ؟ يا ابني مشاكل ايه بس اللي عملتها كل اللي فيها لقيت شكوي في الشكاوي العضو اللي مقدم الشكوي مش عارف ياخد من المراقبين حق والا باطل اصلا في بعض المراقبين برضو بيردو في الشكوي مبيدوش العضو حل نهائي لا يلعبو علي الونجين يعني يجو علي اللي مشتكي شويه ويجي علي الشاكي شويه انا بيني وبينك محبش الشغل ده يا اما تحل الشكوي وتعرف الشاكي هوه اللي غلطان يا اما المشتكي هوه اللي غلطان وانا يوم ما عملت كده قالو ماتركس بتاع مشاكل علشان نصفت صاحب الشكوي قالو عليا مشكلجي علشان طبقت قوانين المنتدي علش مشرف قالو ماتركس مشكلجي وانا مش بتاع الونجين انا اليل بيرضيه عليا ضميري بعمله وبالادله مش اكتر س / ايه هدفك انك تنزل تنبيه فى قسم صفحات مكشوفه مع ان فى تنبيهات نزلت قبل كدا ومن الادارة ؟ الكلام ده اتكلمتو في موضوعك اجمد عضو اللي حصل انو عضو قدم شكوي في محمد شاهين انو حذف ليه مشاركات فا انا قوالتله من حق محمد يحذفه ا ليك وبعدين المشكله ادخل الاقي محمد غلطان نفس الغلط ومش يعترف انو غلط لا مش معترف نهائي انو غلطان فكل ما احذف المشاركه يرجعها تاني فضريت انزل التنبيه علشان اقدر انفذ القوانين بعد كده س / الفترة الجايه هتركز على اى قسم يعنى هنشوف نشاطك فين ؟ انا هبقي الجوكر ياريس مش هركز علي قسم معين علشان مش عايز ابقي مشرف انا عايز ابقي اصفر وبس س / شايف انك كنت تستحق تكون مشرف على قسم النقاش الجاد ؟ والله انتا تقدر تحكم بنفسك ابحث علي مواضيعي وردودي في قسم النقاش وانتا تعرف اني استحق والا لا انا الفتره اللي غبتها عن القسم هيه اللي خسرتني كتير ومكنتش مهتم بالقسم س / اية رئيك فى قسم النقاش حاليا ؟ القسم محتاج مشرفين جدد معا المشرفه جبل عالي علشان ينشطو القسم وافضل شي يكونو اعضاء جدد خالص هما لما ياخدو المنصب هيحولو القسم حريقه من ردود ومواضيع
س / شايف المنتدى ازاى الفترة الجايه يعنى مين ممكن يتم ترقيته ومين هيفضل زى ماهو ؟ هيه الترقيات الرئيسيه من وجهه نظري هتبقي من نصيب ساحر ودمعه دوال اداريين مرشو وماجيك وحوراء مراقبين وبس بقي اللي المشرفين دي هتبقي بقي هيبقي فيه تغيرات كتيره س / شايف ان فى اعضاء الادارة ظلماها فى المنتدى يعنى شايف مين يستحق الاشراف ومين يستحق المراقبه ومين من المراقبين المفروض كان يتشال ؟ لا الاداره مش بتظلم حد واللي يستحق يتشال اهوه اتشال في الاستبيان الاعضاء حددوهم س / اخيرا تحب تقول ايه فى نهايه الحلقه ؟ اقوال انا بصراحه لو مشيت من المنتدي دلوئتي يكفيني اني اتعرفت علي ناس جدعان بالنسبه ليه وذكرتهم في صفحاتي وعايز اقوالكم كمان ماتركس راجع تاني بمشاكلو تاني علفكره احنا فاضيين مورناش حاجه وهنشوف مين هيكمل لااخر وانا بقيت لون اصفر علشان اعرف اعمل مشاكل براحتي بقي 
يلا بقي يا مرشو سلام امسك الحديده اصلا الميك بنسميه في الصعيد الحديده 
وبكدا بتخلص حلقة النهاردة
انتظرونى وحلقه جديدة
وضيف جديد